அருப்புக்கோட்டையில் திமுக புதிய உறுப்பினா்கள் சோ்க்கை முகாம்

அருப்புக்கோட்டையில் திமுக புதிய உறுப்பினா்கள் சோ்க்கை முகாம், 7 ஆவது வாா்டில் உள்ள வாழவந்தபுரம் வீதிமுனையில் ஞாயிற்றுக்கிழமை நடைபெற்றது.

இந்த முகாமுக்கு தொகுதி சட்டப்பேரவை உறுப்பினா் கே.கே.எஸ்.எஸ்.ஆா். ராமச்சந்திரன் தலைமை வகித்தாா். முன்னாள் நகா் மன்றத் தலைவா் சிவப்பிரகாசம், முன்னாள் நகா்மன்ற உறுப்பினா் சிக்கந்தா்,திமுக தலைமை செயற்குழு உறுப்பினா் கே.கே.எஸ்.வி.டி. சுப்பாராஜ், நகரச் செயலா் ஏ.கே. மணி உள்ளிட்டோா் முன்னிலை வகித்தனா்.

அப்போது புதிய உறுப்பினா்களுக்கான அடையாள அட்டைகளை வழங்கி, கே.கே.எஸ்.எஸ்.ஆா். ராமச்சந்திரன் சிறப்புரையாற்றினாா். இந்நிகழ்ச்சியில் திமுக நிா்வாகிகள் உள்ளிட்ட பலா் கலந்து கொண்டனா்.