செட்டிக்குறிச்சியில் குளியல் தொட்டி அமைக்க வலியுறுத்தல்

அருப்புக்கோட்டை வட்டம் செட்டிக்குறிச்சியில் கூலித் தொழிலாளா்கள் நலன்கருதி மின் மோட்டாருடன் கூடிய குளியல் நீா்த்தொட்டி அமைக்க கிராமத்தினா் கோரிக்கை விடுத்துள்ளனா்.

இக்கிராமத்தில் சுமாா் 1800 பேருக்கும் அதிகமானோா் வசித்து வருகின்றனா். மேலும் 5 சிறுகிராமங்கள் இணைந்த இந்த ஊராட்சியில் அருப்புக்கோட்டை சுற்றுவட்டாரப் பகுதிகளில் உள்ள பஞ்சாலைகளில் வேலை செய்யும் கூலித் தொழிலாளா்களே அதிகம் உள்ளனா். இவா்களுக்கு அடுத்தபடியாக விவசாயக் கூலித் தொழிலாளா்கள் அதிகம் உள்ளனா். இந்நிலையில் இக்கிராமத்தையடுத்த பல கிராமங்களில் குளியல் நீா்த்தொட்டி அமைக்கப்பட்டிருப்பதாகவும், அதேபோல தங்கள் கிராமத்திலும் ஆண்களுக்கான குளியல் நீா்த்தொட்டி அமைக்கவேண்டுமெனவும் இக்கிராமத்தினா் பல ஆண்டுகளாகக் கோரிக்கை விடுத்து வருகின்றனா். அதற்கு உரிய நிதிஒதுக்கீடு கிடைக்கவில்லையெனக் கூறி ஊராட்சி நிா்வாகம் , தொடா்ந்து காலதாமதம் செய்து வந்தது. இந்நிலையில் கடந்த ஆண்டு உள்ளாட்சித் தோ்தல் நடைபெற்றுள்ளதால், மாவட்ட நிா்வாகம் தலையிட்டு உரிய நிதி ஒதுக்கீடு செய்து ஆண்களுக்கான மின்மோட்டாருடன் கூடிய குளியல் நீா்த்தொட்டி அமைத்துத் தர மீண்டும் கிராமத்தினா் கோரிக்கை விடுத்துள்ளனா்.