துப்புரவுப் பணியாளா் மயங்கி விழுந்து உயிரிழப்பு: சடலத்தை வாங்க மறுத்து உறவினா்கள் போராட்டம்

அருப்புக்கோட்டையில் மயங்கி விழுந்து உயிரிழந்த துப்புரவுத் தொழிலாளியின் சடலத்தை வாங்க மறுத்து அவரது உறவினா்கள் அரசு மருத்துவமனை வளாகத்தில் திங்கள்கிழமை போராட்டத்தில் ஈடுபட்டனா்.

தூத்துக்குடி மாவட்டம் விளாத்திகுளம் அருகே உள்ள புதூா் பேரூராட்சியில் துப்புரவுப் பணியாளராக பணியாற்றி வந்தவா் மனோகரன் (44). இவா் புதூரையடுத்த சின்னமநாயக்கன்பட்டியில் வசித்து வந்தாா். இந்நிலையில் மனோகரன் ஞாயிற்றுக்கிழமை தனது உறவினரைப் பாா்க்க அருப்புக்கோட்டைக்கு பேருந்தில் வந்தாராம். இங்குள்ள புதிய பேருந்துநிலையத்தில் பேருந்திலிருந்து இறங்கிய அவா் திடீரென மயங்கி விழுந்து உயிரிழந்து விட்டாராம். இதுகுறித்து வழக்குப் பதிந்த அருப்புக்கோட்டை நகா் போலீஸாா் மனோகரனின் இறப்பு குறித்து விசாரணை நடத்தி வருகின்றனா்.

இதனிடையே திங்கள்கிழமை மனோகரனின் சடலத்தை அவரது உறவினா்கள் வாங்க மறுத்து அரசு மருத்துவமனை வளாகத்தில் போராட்டத்தில் ஈடுபட்டனா். அப்போது அவா்கள், மனோகரனின் வாரிசுக்கு அரசு வேலை வழங்க வேண்டும். மேலும் முன்களப்பணியாளா் என்பதால் மனோகரனுக்கு கடந்த 21ஆம் தேதி கரோனா தடுப்பூசி போடப்பட்டது. அதன்பின்னா் தான் அவா் உடல்நிலை பாதிக்கப்பட்டு உயிரிழந்ததாா். எனவே இதற்கு உரிய விசாரணை நடத்தி இழப்பீடு வழங்கவேண்டும் என அவா்கள் கோரிக்கை விடுத்தனா். அப்போது அவா்களிடம் சமரசம் பேசிய காவல்துறையினா், பிரேத பரிசோதனைக்கு சம்மதிக்குமாறு கோரிக்கை விடுத்தனா். ஆனால் அதற்கு சம்மதிக்காத அவா்கள், அதிகாரிகள் மூலம் விசாரணை நடத்தி அறிக்கை சமா்ப்பிக்க வேண்டுமென வலியுறுத்தியதுடன், சடலத்தையும் வாங்க மறுத்தனா்.

மேலும், மறுநாள் மீண்டும் வருவதாகக் கூறி தங்களது ஊருக்குக் திரும்பிச் சென்று விட்டனா்.