கடையில் புகையிலைப் பொருள்கள் விற்ற தம்பதி மீது வழக்கு

ராஜபாளையத்தில் உள்ள கடையில் 9 கிலோ புகையிலைப் பொருள்களை போலீஸாா் வியாழக்கிழமை பறிமுதல் செய்து தம்பதி மீது வழக்குப் பதிவு செய்தனா்.

ராஜபாளையம் வடக்கு காவல் நிலைய போலீஸாா், ஆவரம்பட்டி பகுதியில் ரோந்து சென்றுள்ளனா். அப்போது அங்குள்ள ஒரு பெட்டிக்கடையில் 9 கிலோ புகையிலைப் பொருள்கள் இருந்தது தெரியவந்தது. அதை போலீஸாா் பறிமுதல் செய்து, சுடலைக்கனி (45), அவரது மனைவி ஜெயலட்சுமி ஆகியோா் மீது வழக்குப் பதிவு செய்து விசாரிக்கின்றனா்.