சதுரகிரிக்கு செல்ல பக்தா்களுக்கு 4 நாள்கள் அனுமதி

ஆவணி மாத பிரதோஷம், அமாவாசை வழிபாட்டுக்காக வருகிற 31-ஆம் தேதி முதல் செப்டம்பா் 3-ஆம் தேதி வரை சதுரகிரி சுந்தர மகாலிங்கம் கோயிலுக்கு பக்தா்கள் செல்ல வனத் துறை அனுமதி வழங்கியது.

ஸ்ரீவில்லிபுத்தூா் மேகமலை புலிகள் காப்பகத்தில் உள்ள புகழ்பெற்ற சதுரகிரி சுந்தர மகாலிங்கம் கோயிலுக்கு பிரதோஷம், அமாவாசை, பௌா்ணமி என மாதத்துக்கு 8 நாள்கள் பக்தா்கள் மலையேறிச் சென்று வழிபாடு நடத்த அனுமதி வழங்கப்பட்டு வருகிறது. பலத்த மழை எச்சரிக்கை காரணமாக, ஆவணி மாத பௌா்ணமி வழிபாட்டுக்கு சதுரகிரி செல்லத் தடை விதிக்கப்பட்டது.

இந்த நிலையில், ஆவணி மாத பிரதோஷம், அமாவாசையை முன்னிட்டு ஆக.31-ஆம் தேதி முதல் செப்.3-ஆம் தேதி வரை 4 நாள்கள் பக்தா்கள் மலையேறிச் சென்று சுவாமி தரிசனம் செய்ய அனுமதி அளிக்கப்படுவதாக வனத் துறை சாா்பில் தெரிவிக்கப்பட்டது.

அனுமதிக்கப்பட்ட நாள்களில் மழை பெய்தால் பக்தா்கள் மலையேறத் தடை விதிக்கப்படும் எனவும் வனத் துறையினா் தெரிவித்தனா்.