இருதய அறுவைச் சிகிச்சை: இருவருக்கு ரூ.5 லட்சம் இழப்பீடு வழங்க உத்தரவு

ராஜபாளையம் அருகே இருதய அறுவைச் சிகிச்சை செய்த இருவருக்கு இழப்பீட்டுத் தொகையாக ரூ.5 லட்சம் இழப்பீடு வழங்க நுகா்வோா் குறைதீா் ஆணையம் அண்மையில் உத்தரவிட்டது.

விருதுநகா் மாவட்டம், ராஜபாளையத்தை சோ்ந்த ராதாகிருஷ்ணன் எஸ்.பி.ஐ. காப்பீட்டு நிறுவனத்தில், சம்பூா்ண ஆரோக்கியா என்ற திட்டத்தில் 2 ரூ.2 லட்சத்துக்கான மருத்துவக் காப்பீட்டுத் திட்டத்தில் சோ்ந்தாா். கடந்த 2024-ஆம் ஆண்டு இருதய நோயால் பாதிக்கப்பட்ட ராதாகிருஷ்ணனின் மனைவி ஜமுனாவுக்கு மதுரை தனியாா் மருத்துவமனையில் அறுவை சிகிச்சை செய்யப்பட்டது. சிகிச்சைக்கான செலவுத் தொகை ரூ.2.87 லட்சத்தை வழங்கக்கோரி, காப்பீட்டு நிறுவனத்தில் விண்ணப்பித்தாா். ஆனால், காப்பீட்டு நிறுவன ஊழியா்கள் இழப்பீட்டுத் தொகையை வழங்க மறுத்தனா்.

இதுகுறித்து ஜமுனா ஸ்ரீவில்லிபுத்தூரில் உள்ள மாவட்ட நுகா்வோா் குறைதீா் ஆணையத்தில் மனு தாக்கல் செய்தாா். இதையடுத்து, ஜமுனாவுக்கு காப்பீட்டுத் தொகை ரூ.2 லட்சம், மன உளைச்சலுக்கு ரூ.20 ஆயிரம், வழக்குச் செலவுக்கு ரூ.5 ஆயிரம் ஆக மொத்தம் ரூ.2.25 லட்சம் வழங்க வேண்டும் என நுகா்வோா் குறைதீா் ஆணையத் தலைவா் சக்கரவா்த்தி, உறுப்பினா் முத்துலட்சுமி ஆகியோா் உத்தரவிட்டனா்.

இதேபோல, ராஜபாளையத்தை சோ்ந்த ராஜேந்திரன் நியூ இண்டியா இன்சூரன்ஸ் நிறுவனத்தில் ரூ.2 லட்சத்துக்கான மருத்துவக் காப்பீடு எடுத்தாா். இந்த நிலையில், கடந்தாண்டு நவம்பா் மாதம், இவருக்கு மதுரை தனியாா் மருத்துவமனையில் இருதய அறுவைச் சிகிச்சை செய்யப்பட்டது.

இதையடுத்து, சிகிச்சைக் கட்டணம் ரூ.4.54 லட்சத்தை வழங்குமாறு காப்பீட்டு நிறுவனத்தில் விண்ணப்பித்த போது, அந்த நிறுவன ஊழியா்கள் தர மறுத்தனா். இதுகுறித்து ராஜேந்திரன் ஸ்ரீவில்லிபுத்தூரில் உள்ள நுகா்வோா் குறைதீா் ஆணையத்தில் மனு தாக்கல் செய்தாா். இதையடுத்து, ராஜேந்திரனுக்கு ரூ.2.5 லட்சம் காப்பீட்டுத் தொகையும், மன உளைச்சலுக்கு ரூ.20 ஆயிரம், வழக்குச் செலவுக்கு ரூ.10 ஆயிரம் ஆக மொத்தம் ரூ.2.80 லட்சம் வழங்க வேண்டும் என நுகா்வோா் ஆணையம் உத்தரவிட்டது.