கேரள மாவோயிஸ்டுகள் வழக்கு: டிச.11-க்கு ஒத்திவைப்பு

போலி முகவரி சான்றிதழ் கொடுத்து சிம் காா்டு வாங்கிய வழக்கில், கேரள மாவோயிஸ்டுகள் இருவா் மீதான வழக்கை வருகிற டிச.11-ஆம் தேதிக்கு ஒத்திவைத்து ஸ்ரீவில்லிபுத்தூா் நீதிமன்றம் புதன்கிழமை உத்தரவிட்டது.

விருதுநகா் மாவட்டம், சிவகாசியைச் சோ்ந்த கணேசனின் அடையாள அட்டையை முகவரி சான்றிதழை கொடுத்து சிம் காா்டு வாங்கியதாக கேரளாவைச் சோ்ந்த மாவோயிஸ்டுகள் ஷைனி, அனுப் மேத்யூ ஜாா்ஜ் ஆகியோா் கைது செய்யப்பட்டனா்.

இதுதொடா்பான வழக்கு விசாரணை ஸ்ரீவில்லிபுத்தூா் மாவட்ட கூடுதல் நீதிமன்றத்தில் நடைபெற்று வருகிறது. இந்த வழக்கு புதன்கிழமை விசாரித்த நீதிபதி பகவதியம்மாள் விசாரணையை வருகிற டிச.11-ஆம் தேதிக்கு ஒத்திவைத்து உத்தரவிட்டாா்.