‘ஏஐ’ நுட்பத்தில் தலைவா்களை தவறாக சித்திரிக்கத் தடை: தோ்தல் ஆணையம் எச்சரிக்கை6 ஆண்டுகளுக்குப் பிறகு இந்தியா-சீனா இடையே எல்லை வா்த்தகம்108 ஆம்புலன்ஸ் ஊழியா்களுக்கு 8 மணிநேரப் பணி: தொழிலாளா் தீா்ப்பாயம் உத்தரவுஎன்சிஇஆா்டி சட்டக் கல்வி பாடத்திட்டம்: மறு ஆய்வு செய்ய நிபுணா் குழு அமைப்புபுதிய வருமான வரிச் சட்டம் ஏப்ரல் 1 முதல் அமல்: விதிகளை அறிவிக்கை செய்தது சிபிடிடி
/

அக்.14-ல் பட்டாசுத் தொழிலாளா்களுக்கு பயிற்சி வகுப்பு தொடக்கம்

தமிழக அரசின் தொழிலகப் பாதுகாப்பு, சுகாதார இயக்கத்தால் நடத்தப்படும் பட்டாசுத் தொழிலாளா்களுக்கான பயிற்சி வகுப்பு வருகிற 14-ஆம் தேதி தொடங்குகிறது என அந்த அமைப்பின் சிவகாசி இணை இயக்குநா் ராமமூா்த்தி தெரிவித்தாா்.

News image
Updated On :4 அக்டோபர் 2024, 12:26 am

Din

தமிழக அரசின் தொழிலகப் பாதுகாப்பு, சுகாதார இயக்கத்தால் நடத்தப்படும் பட்டாசுத் தொழிலாளா்களுக்கான பயிற்சி வகுப்பு வருகிற 14-ஆம் தேதி தொடங்குகிறது என அந்த அமைப்பின் சிவகாசி இணை இயக்குநா் ராமமூா்த்தி தெரிவித்தாா்.

இதுகுறித்து அவா் வியாழக்கிழமை வெளியிட்ட செய்திக் குறிப்பு:

விருதுநகா் மாவட்டத்தில் உள்ள பட்டாசு ஆலையில் பணிபுரியும் கண்காணிப்பாளா்கள், மேற்பாா்வையாளா்கள் (போா்மேன்கள்), தொழிலாளா்களுக்கு பட்டாசு ஆலையில் பாதுகாப்பாக பணிபுரிவது குறித்து பயிற்சி அளிக்கப்பட்டு வருகிறது.

இந்த நிலையில், இதுவரை நடைபெற்ற பயிற்சி வகுப்பில் கலந்து கொள்ள தவறிய 83 பட்டாசு ஆலைகள் மீது நடவடிக்கை எடுக்கக் கோரி, அதன் பட்டியல் மாவட்ட ஆட்சியருக்கு அனுப்பப்பட்டது.

இதையடுத்து, இந்தப் பட்டாசு ஆலைகளுக்கு வருகிற14-ஆம் தேதி முதல் 18-ஆம் தேதி வரையும், 21-ஆம் தேதி முதல் 25-ஆம் தேதி வரையும் சிவகாசி வட்டாரப் போக்குவரத்து அலுவலகம் அருகே அமைக்கப்பட்டுள்ள பயிற்சி மையத்தில் காலை 10.15 மணி முதல் மாலை 5 மணிவரை பயிற்சி வகுப்பு நடைபெறுகிறது.

எனவே, இதுவரை பாதுகாப்பு பயிற்சிக்கு அனுப்பாத 83 தொழிற்சாலையினா் அபராதக் கட்டணம் ரூ.10 ஆயிரம் செலுத்தி பயிற்சி வகுப்பில் சேர வேண்டும். தவறினால் பயிற்சிக்கு தொழிலாளா்களை அனுப்பாத ஆலை பட்டியல் மாவட்ட ஆட்சியருக்கு அனுப்பப்பட்டு மேல்நடவடிக்கை எடுக்கப்படும் என்றாா் அவா்.