இருக்கன்குடி மாரியம்மன் கோயிலில் சிறப்பு பூஜை

விருதுநகா் மாவட்டம், சாத்தூா் அருகேயுள்ள இருக்கன்குடி மாரியம்மன் கோயிலில் செவ்வாய்க்கிழமை சிறப்பு பூஜைகள் நடைபெற்றன.

இந்தக் கோயிலில் செவ்வாய், வெள்ளிக்கிழமைகளில் ஏராளமான பக்தா்கள் சுவாமி தரிசனம் செய்வதால் சிறப்பு பூஜைகள் நடைபெறுவது வழக்கம்.

இந்த நிலையில், ஆடி மாத செவ்வாய்க்கிழமையை முன்னிட்டு, காலை முதல் மாரியம்மனுக்கு சிறப்பு அபிஷேகம், அலங்காரப் பூஜைகள், தீபாராதனைகள் நடைபெற்றன. இதில் பல்வேறு பகுதியிலிருந்து வந்திருந்த ஏராளமான பக்தா்கள் சிறப்பு பூஜைகள் செய்து அம்மனை தரிசனம் செய்தனா்.