ஸ்ரீவில்லிபுத்தூரில் குடிநீா்த் தட்டுப்பாட்டை தீா்க்க பேயனாற்றில் 3 கிணறுகள் அமைக்கும் பணி: நகராட்சி ஆணையா் ஆய்வு

ஸ்ரீவில்லிபுத்தூா் நகராட்சியில் குடிநீா் பிரச்னையை தீா்க்க செண்பகத்தோப்பு பேயனாற்றில் 3 கிணறுகள் அமைக்கும் பணியை நகராட்சி ஆணையா் குமாா் புதன்கிழமை ஆய்வு செய்தாா்.

ஸ்ரீவில்லிபுத்தூா் நகராட்சியில் 33 வாா்டுகளில் ஒரு லட்சத்துக்கு மேற்பட்ட மக்கள் வாசித்து வருகின்றனா். இந்தப் பகுதிக்கு ஸ்ரீவில்லிபுத்தூா் மேற்குத் தொடா்ச்சி மலையில் உற்பத்தியாகும் செண்பகத்தோப்பு பேயனாற்றில் 6 ஆழ்துளை கிணறுகள், 8 திறந்தவெளி கிணறுகள் மூலம் குடிநீா் விநியோகம் செய்யப்பட்டு வருகிறது.

எதிா்கால குடிநீா்த் தேவையை கவனத்தில் கொண்டு கடந்த 2007-ஆம் ஆண்டு தாமிரபரணி கூட்டுக் குடிநீா்த் திட்டம் தொடங்கப்பட்டது. இதன் மூலம் நகராட்சியில் உள்ள 22 வாா்டுகளுக்கு தாமிரபரணி குடிநீா் இணைப்பு வழங்கப்பட்டது.

இந்த நிலையில், குடிநீா் குழாய் உடைப்பு, தாமிரபரணி கூட்டுக் குடிநீா்த் திட்டத்தில் போதிய குடிநீா் கிடைக்காததால் தற்போது தட்டுப்பாடு ஏற்படுகிறது.

மேலும், வீடுகள் தோறும் குடிநீா் குழாய் இணைப்பு வழங்கப்பட்டுள்ள நிலையில், தெரு குழாய் இணைப்பு துண்டிக்கப்படாததால் சீரான குடிநீா் விநியோகம் தடைப்படுகிறது. இதன் காரணமாக கடந்த 20 நாள்களுக்கு மேல் இந்தப் பகுதிக்கு குடிநீா் விநியோகம் செய்யாப்படாததால் பொதுமக்கள் அவதிக்குள்ளாகி வருகின்றனா்.

இந்த நிலையில், இந்தப் பகுதியில் குடிநீா்த் தட்டுப்பாட்டை சரி செய்யும் வகையில் நகராட்சி நிா்வாகம் சாா்பில், செண்பகத்தோப்பு பேயனாற்றில் கூடுதலாக 3 திறந்தவெளி கிணறுகள் அமைக்கும் பணி நடைபெற்று வருகிறது. இந்தப் பணியை நகராட்சி ஆணையா் குமாா் புதன்கிழமை ஆய்வு செய்தாா்.

மேலும், ராஜபாளையம் நகராட்சியிலிருந்து உபரி நீரை ஸ்ரீவில்லிபுத்தூா் கொண்டு வருவதற்கான சாத்திய கூறுகள் குறித்து மாவட்ட நிா்வாகம் ஆய்வு செய்து வருகிறது.

ஸ்ரீவில்லிபுத்தூா் நகராட்சியில் செண்பகத்தோப்பு நீா் ஆதாரங்களை முறையாக பராமரித்து, குடிநீா் குழாய் உடைப்பு, தெரு குழாய்களை நீக்கினாலே குடிநீா் தட்டுப்பாட்டை சரி செய்யலாம் என பொதுமக்கள் தெரிவித்தனா்.