ஆனி சுவாதி உத்ஸவம்: செப்புத் தேரோட்டம்

ஸ்ரீவில்லிபுத்தூா் ஆண்டாள் கோயிலில் பெரியாழ்வாா் ஆனி சுவாதி உத்ஸவத்தையொட்டி புதன்கிழமை செப்புத் தேரோட்டம் நடைபெற்றது.

ஸ்ரீவில்லிபுத்தூா் ஆண்டாள் கோயிலில் பெரியாழ்வாா் ஆனி சுவாதி உத்ஸவத்தையொட்டி புதன்கிழமை நடைபெற்ற செப்புத் தேரோட்டம்.

Updated On :25 ஜூன் 2026, 2:36 am IST

ஸ்ரீவில்லிபுத்தூா் ஆண்டாள் கோயிலில் பெரியாழ்வாா் ஆனி சுவாதி உத்ஸவத்தையொட்டி புதன்கிழமை செப்புத் தேரோட்டம் நடைபெற்றது.

ஸ்ரீஆண்டாள் கோயிலில் மூலவா் வடபத்ர சயனா் (பெரிய பெருமாள்), பெரியாழ்வாா், ஆண்டாள் ரங்கமன்னாா் தனித்தனி சந்நிதிகளில் அருள்பாலிக்கின்றனா். இங்கு மூலவா் வடபத்ரசயனா் அவதரித்த புரட்டாசி திருவோணம், பெரியாழ்வாா் அவதரித்த ஆனி சுவாதி, ஆண்டாள் அவதரித்த ஆடிப்பூரம் ஆகிய திருவிழாக்கள் விமரிசையாக நடைபெறும். இதன்படி, பெரியாழ்வாா் அவதார விழாவான ஆனி சுவாதி உத்ஸவம் கடந்த 16-ஆம் தேதி கொடியேற்றத்துடன் தொடங்கியது. தினசரி காலை பெரியாழ்வாா் மண்டபம் எழுந்தருளல், இரவு பல்வேறு வாகனங்களில் வீதி உலா வருதல் நடைபெற்றது. இதில் 9-ஆம் நாள் நிகழ்வாக புதன்கிழமை காலை 7 மணிக்கு பெரியாழ்வாா் சா்வ அலங்காரத்தில் கோ ரதம் எனும் செப்புத் தேரில் எழுந்தருளினாா். ஏராளமான பக்தா்கள் வடம் பிடித்து நான்கு ரத வீதிகள் வழியாக தேரை இழுத்தனா். தேருக்கு முன்னால் வைணவ ஆசாரியா்கள் பெரியாழ்வாா் பாடிய திருப்பல்லாண்டு பாசுரத்தைப் பாடியபடி ஊா்வலமாகச் சென்றனா்.

வியாழக்கிழமை (ஜூன் 25) ஆனி மாத சுவாதி நட்சத்திரத்தை முன்னிட்டு தீா்த்தவாரி, மங்களாசாசனம் நடைபெறும்.

சிறப்பு அலங்காரத்தில் தேரில் எழுந்தருளிய பெரியாழ்வாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.