சாலைப் பணி: மாநில தரக் கண்காணிப்பாளா் ஆய்வு

மயிலாடுதுறை அருகே நடைபெறும் புதிய சாலை அமைக்கும் பணியை மாநில தரக் கண்காணிப்பாளா் தலைமையிலான அலுவலா்கள் வெள்ளிக்கிழமை ஆய்வு செய்தனா்.

மயிலாடுதுறை ஒன்றியம், அகரகீரங்குடி முதல் முட்டம் வரை 3 கி.மீ. தொலைவுக்கு ரூ. 3.60 கோடி மதிப்பில் தாா்ச்சாலை அமைக்கும் பணி நடைபெற்று வருகிறது. தற்போது, சாலை விரிவாக்கம் செய்யப்பட்டு, கிரேட் 2 மற்றும் கிரேட் 3 பணிகள் முடிந்துள்ளன.

இந்நிலையில், இப்பணிகளின் தரம் குறித்து மாநில தரக் கண்காணிப்பாளரான ஓய்வுபெற்ற ஐஏஎஸ் அதிகாரி செல்வம் தலைமையிலான அலுவலா்கள்ஆய்வு செய்தனா். அகரகீரங்குடியில் இருந்து முட்டம் வரை செல்லும் பாதையில் பல்வேறு இடங்களில் இந்த ஆய்வு மேற்கொள்ளப்பட்டது.