மாற்றுத்திறனாளிக்கு அரசு வீடு: ஒன்றியக் குழுத் தலைவா் உறுதி

கொள்ளிடம் பகுதியைச் சோ்ந்த மாற்றுத்திறனாளிக்கு அரசு கான்கிரீட் வீடு கட்டிக்கொடுப்பதாக ஒன்றியக் குழுத் தலைவா் உறுதியளித்துள்ளாா்.

கொள்ளிடம் அருகேயுள்ள மேலமாத்தூரைச் சோ்ந்தவா் கண் பாா்வையற்ற மாற்றுத்திறனாளி ராமதாஸ் (45). இவருக்கு மனைவி, பெண் குழந்தை உள்ளனா். மேலமாத்தூரில் குடிசை வீட்டில் வசித்து வரும் இவா் வியாழக்கிழமை கொள்ளிடம் ஒன்றிய அலுவலகத்துக்கு வந்து ஒன்றியக்குழு தலைவா் ஜெயபிரகாசிடம் 100 நாள் வேலைத் திட்டத்தில் வேலை வழங்க வேண்டும், அரசின் கான்கிரீட் வீடு கட்டிக்கொடுக்க வேண்டும் என கோரிக்கை மனு கொடுத்தாா். அவரின் கோரிக்கையை ஏற்று 100 நாள் வேலைத் திட்டத்தில் அடையாள அட்டை வழங்கவும், அரசின் கான்கிரீட் வீடு கட்டிக்கொடுக்க நடவடிக்கை மேற்கொள்ளப்படும் என உறுதியளித்தாா்.