நாளை இளம் விஞ்ஞானிகள்  தேர்வுக்கான விளக்க நிகழ்ச்சி

காரைக்காலில் சனிக்கிழமை  இளம் விஞ்ஞானிகள் தேர்வுக்கான விளக்க நிகழ்ச்சி நடைபெறவுள்ளதாகவும், மாணவர்கள் பங்கேற்குமாறும் கேட்டுக்கொள்ளப்பட்டுள்ளது.
இதுகுறித்து காரைக்கால் மாவட்ட ஆட்சியர் ஆர்.கேசவன் வியாழக்கிழமை வெளியிட்ட செய்திக் குறிப்பு: 
காரைக்கால் துறைமுக நிறுவனம், சென்னை ஸ்பேஸ் கிட்ஸ் இந்தியா என்ற அறிவியல் மற்றும் தொழில்நுட்ப நிறுவனத்துடன் இணைந்து, 12 முதல் 18 வயது வரை உள்ள மாணவர்களைத் தேர்வுசெய்து, இளம் விஞ்ஞானிகளை உருவாக்கும் முயற்சி எடுத்துள்ளது. திறனுள்ள 100 மாணவர்களைக் கண்டறிந்து மின்னணுவியல், ஏரோஸ்பேஸ் மற்றும் ரோபோட்டிக்ஸ் பிரிவுகளில் இலவசமாக பயிற்சி மற்றும் செய்முறை பயிற்சியளிக்க உள்ளது. இதுசம்பந்தமான விளக்க நிகழ்ச்சி வரும் 30-ஆம் தேதி காலை 10 மணி முதல் 12 மணி வரை காரைக்கால் தங்கவேல் கலையரங்கில் நடைபெறவுள்ளது. அறிவியல் ஆர்வமுள்ள மாணவர்கள் இந்த அரிய வாய்ப்பை பயன்படுத்திக்கொள்ள கேட்டுக்கொள்ளப்படுகிறார்கள்.