பர்னிச்சர் கடையில் தீ விபத்து

காரைக்காலில் வியாழக்கிழமை பர்னிச்சர் கடையில் ஏற்பட்ட தீ விபத்தில் பர்னிச்சர் பொருள்கள் சேதமடைந்தன. 
காரைக்கால் பகுதி மனோகரன் என்பவர் மாரியம்மன் கோயில் வீதி, திருநள்ளாறு சாலை சந்திப்பில் பர்னிச்சர் நிறுவனம் கடை நடத்தி வருகிறார். கடையின் முதல் மாடியில் கீற்று கொட்டகை அமைத்து குடோனாக பயன்படுத்தி வருகிறார். இதில், குளிர்சாதன இயந்திரங்கள், காற்றாடி, நாற்காலிகள் உள்ளிட்ட பல்வேறு பர்னிச்சர் பொருள்களை வைக்கப்பட்டிருந்தன.  
இந்நிலையில் வியாழக்கிழமை காலை வழக்கமாக கடையை திறந்து வியாபாரம் செய்துகொண்டிருந்தபோது,  திடீரென மேற்கூரை தீப்பிடித்து எரியத் தொடங்கியது. தகவலறிந்த தீயணைப்புத் துறையினர் சம்பவ இடத்துக்கு விரைந்து வந்து தீயை அணைத்தனர். இந்த விபத்தில், பர்னிச்சர் பொருள்கள் சேதமடைந்தது. தீ விபத்துக்கான காரணம் குறித்து காரைக்கால் நகரக் காவல் நிலைய போலீஸார் விசாரணை மேற்கொண்டு வருகின்றனர்.