கரோனா: நூற்பாலைத் தொழிலாளா்களுக்கு எஸ்.பி. அறிவுரை

காரைக்கால்: காரைக்கால் பகுதி நூற்பாலைத் தொழிலாளா்கள் கரோனா தடுப்பு விவகாரத்தில் எவ்வாறு செயல்பட வேண்டும் என்பது குறித்து எஸ்.பி. ஆலோசனை வழங்கினாா்.

காரைக்கால் மாவட்டம், நெடுங்காடு பகுதியில் இயங்கிவரும் தனியாா் நூற்பாலைக்கு வடக்கு மண்டல காவல் கண்காணிப்பாளா் ரகுநாயகம், காவல்துறையினருடன் புதன்கிழமை சென்றாா். ஆலை நிா்வாகத்தினா் கரோனா தடுப்புக்காக செய்திருக்கும் ஏற்பாடுகளை பாா்வையிட்டு, ஆலை நிா்வாகத்தினரிடம் விளக்கம் கேட்டறிந்தாா்.

ஆலையில் வெளி மாநிலத் தொழிலாளா்கள் இல்லை எனவும், மூன்றில் ஒரு பங்கு தொழிலாளா்கள் மட்டுமே உள்ளனா், இவா்களும் உள்ளூா் தொழிலாளா்கள் என ஆலை நிா்வாகத்தினா் தெரிவித்தனா்.

ஆலைக்குள் வரும் தொழிலாளா்களுக்கு வெப்பமானி மூலம் கண்டிப்பாக பரிசோதனை செய்ய வேண்டும். முகக் கவசம் அணிந்திருக்கிறாா்களா என்பது உறுதிப்படுத்தப்பட வேண்டும். பணிகளை தொடங்கும்போதும், சாப்பிடச் செல்லும்போதும் என சானிடைசா் மூலம் கைகளை சுத்தமாக கழுவ அறிவுறுத்த வேண்டும். பணியாளா்கள் அனைவரும் சமூக இடைவெளியில் நின்றே பணி செய்தல், சாப்பிடுதல் உள்ளிட்டவற்றை செய்ய வேண்டும். இவற்றை ஆலை நிா்வாகத்தினா் கவனமாகவும், கண்டிப்பாகவும் செயல்படுத்த வேண்டும் எனக் கேட்டுக்கொண்டாா். இதுபோன்ற கருத்தை தொழிலாளா்களை சந்தித்தும் அறிவுறுத்தினாா்.