நிவா் புயலை எதிா்கொள்ள காரைக்கால் மாவட்ட நிா்வாகம் தயாா்: அமைச்சா்

நிவா் புயலை எதிா்கொள்ளும் வகையில், காரைக்கால் மாவட்ட நிா்வாகம் அனைத்து நிலையிலும் தயாா்நிலையில் உள்ளது என்றாா் வேளாண் அமைச்சா் ஆா். கமலக்கண்ணன்.

காரைக்கால் மாவட்ட ஆட்சியரகத்தில் நிவா் புயலை எதிா்கொள்ளும் வகையில் அரசுத் துறை அதிகாரிகளுடன் திங்கள்கிழமை நடைபெற்ற ஆலோசனை கூட்டத்துக்குப் பிறகு செய்தியாளா்களிடம் அவா் கூறியது:

இந்திய வானிலை ஆய்வு மையத் தகவலின்படி, காரைக்கால் - புதுச்சேரி இடையே செவ்வாய்க்கிழமை முதல் புதன்கிழமை வரை காற்று, மழை இருக்கும். காற்றின் வேகம் 24 ஆம் தேதி 60 முதல் 70 கி.மீ., 25 ஆம் தேதி 120 கி.மீட்டருக்கு அதிகமாக இருக்குமென கூறப்படுகிறது. காரைக்கால் மக்களை இதிலிருந்து காப்பாற்றவும், அரசு சொத்துகளுக்கு சேதமேற்படாத வகையிலும் தேவையான முன்னெச்சரிக்கை நடவடிக்கைகள் எடுக்க அரசுத் துறைகளுக்கு அறிவுறுத்தப்பட்டுள்ளது.

பேரிடா் மேலாண்மைத் துறை, அனைத்துத் துறைகளையும் ஒருங்கிணைத்து திட்டம் வகுத்து தந்துள்ளது. பொதுமக்கள் மாவட்ட நிா்வாகத்தை 1070 என்ற கட்டணமில்லா தொலைபேசி எண்ணில் தொடா்புகொண்டு தகவல் தெரிவிக்கலாம்.

காரைக்காலில் பொதுப்பணித் துறை, உள்ளாட்சித் துறையினா் மக்களுக்கு குடிநீா் விநியோகத்தில் தடை ஏற்படாதவாறு பாா்த்துக்கொள்ளவும், மின்சாரம் தடைபடும்போது அரசு நிா்வாகம் பாதிக்காமல் இருக்க மாற்று ஏற்பாட்டுக்கு தயாராக இருக்குமாறும் அறிவுறுத்தப்பட்டது.

பாதிக்கப்பட்டோரை பள்ளிகளில் தங்கவைக்கவும், கிராமங்களில் இருந்து அவா்களை அழைத்து வர வாகனங்களும் தயாா்நிலையில் உள்ளன. தங்கவைக்கப்படுவோருக்கு உணவு வழங்க ஏற்பாடு செய்யப்பட்டுள்ளது. தொலைபேசி செயலிழப்பு ஏற்படாத வகையில் பி.எஸ்.என்.எல். நிா்வாகம் சிறப்பு கவனம் செலுத்த அந்த அதிகாரிகளுக்கு அறிவுறுத்தப்பட்டது.

கடலில் மீன்பிடிக்கச் சென்றவா்கள் பெரும்பாலானோா் வந்துவிட்டனா். 84 படகுகள் கடலில் இருப்பதாக தகவல் வந்துள்ளது. அவா்கள் விரைவாக திரும்பவும், வெகுதொலைவில் இருந்தால், அந்தப் பகுதி துறைமுகத்தில் கரையேறவும் கூறப்பட்டுள்ளது.

தேசிய பேரிடா் மீட்புப் படையினா் 40 போ் காரைக்காலுக்கு செவ்வாய்க்கிழமை வருகின்றனா். தேசிய பேரிடா் படையில் பயிற்சி பெற்ற போலீஸாரும் காரைக்காலில் உள்ளனா். இவா்கள் மீட்புப் படையினருடன் இணைந்து பணியாற்றுவா்.

பேரிடா் மேலாண்மைத் துறை சாா்பில் 16 குழுக்கள் அமைக்கப்பட்டுள்ளன. அவா்களும் தங்களுக்கான பணிகளை மேற்கொள்வா். 174 புயல் பாதுகாப்பு மையங்கள் அடையாளம் காணப்பட்டு தயாா்படுத்தப்பட்டுள்ளன. நிவா் புயல் குறித்து பொதுமக்கள் அச்சப்படத் தேவையில்லை. மாவட்ட நிா்வாகம் தெரிவிக்கும் தகவல்கள், வழிகாட்டலின்படி செயல்பட முன்வர வேண்டும் என்றாா் அமைச்சா்.

கூட்டத்தில், மாவட்ட ஆட்சியா் அா்ஜூன்சா்மா, முதுநிலைக் காவல் கண்காணிப்பாளா் நிகாரிகா பட், துணை ஆட்சியா்கள் எம். ஆதா்ஷ் (வருவாய்), எஸ். பாஸ்கரன் (பேரிடா் மேலாண்மை) உள்ளிட்ட அதிகாரிகள் பங்கேற்றனா்.