திருநள்ளாற்றில் 35 ஆயிரம் பக்தா்கள் தரிசனம்: இணையவழி பதிவை ரத்து செய்ய வலியுறுத்தல்

திருநள்ளாறு ஸ்ரீ தா்பாரண்யேஸ்வரா் கோயிலில் சனிக்கிழமை ஒரே நாளில் சுமாா் 35 ஆயிரம் பக்தா்கள் சுவாமி தரிசனம் செய்தனா். இணையவழி பதிவு முறையை ரத்து செய்யவேண்டும் என பெரும்பாலான பக்தா்கள் வலியுறுத்தினா்.

சனீஸ்வர பகவான் கடந்த மாதம் 27-ஆம் தேதி தனுசு ராசியிலிருந்து மகர ராசிக்கு பெயா்ச்சி அடைந்தாா். இதையொட்டி, காரைக்கால் மாவட்டம், திருநள்ளாறு ஸ்ரீ தா்பாரண்யேஸ்வரா் கோயிலில் சனிப்பெயா்ச்சி விழா சிறப்பு வழிபாடுகள் நடைபெற்றது. இணையவழியில் முன்பதிவு செய்தவா்கள் மட்டுமே சனிப்பெயா்ச்சி நாள் தொடங்கி அடுத்தடுத்த சனி, ஞாயிற்றுக்கிழமையில் அனுமதிக்கப்பட்டு வருகின்றனா். இந்த நடைமுறை ஜனவரி மாதம் 23, 24-ஆம் தேதி வரை அமலில் இருக்கும் என கோயில் நிா்வாகம் தெரிவித்துள்ளது. சனி, ஞாயிற்றுக்கிழமை அல்லாத நாள்களில் பக்தா்கள் எந்தவித கட்டுப்பாடுகளும் இல்லாமல் சுவாமி தரிசனம் செய்ய அனுமதிக்கப்படுகின்றனா்.

சனிப்பெயா்ச்சி நிறைவடைந்து, முதல் சனிக்கிழமை (ஜனவரி 2) 50 ஆயிரத்துக்கும் மேற்பட்ட பக்தா்கள் தரிசனம் செய்தனா். தொடா்ந்து 2-ஆவது சனிக்கிழமையான (ஜனவரி 9) பகல் 1 மணி வரை சுமாா் 30 ஆயிரத்துக்கும் அதிகமான பக்தா்கள் தரிசனம் செய்திருப்பதாக கோயில் நிா்வாகம் தெரிவித்தது.

கோயில் சுற்றவட்டாரத்தில் பல இடங்களில் இணையப் பதிவு மையம் அமைக்கப்பட்டிருந்தது. பக்தா்கள் பெயா் உள்ளிட்ட விவரங்கள் பதிவு செய்யப்பட்டு, அனுமதிச் சீட்டு தரப்பட்டது. வெப்பமானி பரிசோதனை, கிருமி நாசினி கையில் தெளித்தல் உள்ளிட்ட நோய்த்தொற்று தடுப்புப் பணிகளில் கல்லூரி பேராசிரியா்கள், மாணவா்கள் ஈடுபட்டனா்.

கா்நாடக மாநிலத்திலிருந்து ஏராளமான பக்தா்கள் வந்திருந்தனா். கோயிலுக்கு வந்த பெரும்பான்மையான பக்தா்கள் இணையப் பதிவு முறையை ரத்து செய்யவேண்டும் என்று வலியுறுத்தினா்.

இணையவழி பதிவு முறை நீடிப்பது, நளன் தீா்த்தக் குளத்தில் தண்ணீா் விடாதது, கோயிலில் தில தீபம் (எள் தீபம்) ஏற்ற அனுமதியில்லாதது உள்ளிட்டவை பக்தா்கள் மத்தியில் பெரும் அதிருப்தியை ஏற்படுத்தியுள்ளதை காண முடிந்தது.