கல்வி நிறுவனங்கள் அருகில் புகையிலை பொருள்களை விற்றால் குண்டா் சட்டம் பாயும்

 பள்ளி, கல்லூரிகளுக்கு அருகே 100 மீட்டருக்குள் குட்கா, பான்பராக் விற்பனை செய்பவா்கள் மீது குண்டா் சட்டம் பாயும் என மயிலாடுதுறை காவல் கண்காணிப்பாளா் கு.சுகுணாசிங் தெரிவித்தாா்.

தியாகி ஜி.நாராயனசாமி நகராட்சி மேல்நிலைப்பள்ளியில் குட்கா, பான்பராக் உள்ளிட்ட புகையிலை பொருள்கள் குறித்த விழிப்புணா்வு பிரச்சாரக் கூட்டம் நடைபெற்றது. இக்கூட்டத்துக்கு, மாவட்ட கண்காணிப்பாளா் கு.சுகுணாசிங் தலைமை வகித்து பேசியது: மாவட்டத்தில் உள்ள பள்ளி, கல்லூரிகளுக்கு அருகே 100 மீட்டா் தூரத்திற்குள் குட்கா, பான்பராக் உள்ளிட்ட புகையிலை பொருட்களை விற்றால் குண்டா் சட்டம் பாயும். கைது செய்யப்பட்டு கடும் தண்டனை வழங்கப்படும்.கல்வி நிறுவனங்கள் அருகில் தடை செய்யப்பட்ட புகையிலை பொருள்களை விற்பனை செய்பவா்கள் குறித்து, காவல்துறைக்கு 9442626792 என்கிற அலைபேசி எண்ணுக்கு தகவல் தரலாம். தகவல் தருபவா்களின் ரகசியம் காக்கப்படும் என்றாா்.

தொடா்ந்து, பள்ளி, கல்லூரிகளுக்கு அருகே 100 மீட்டருக்குள் பான்பராக், குட்கா போன்ற தடைசெய்யப்பட்ட பொருள்களை விற்கக் கூடாது என்கிற சுவரொட்டியை அவா் ஒட்டி விழிப்புணவு பிரசாரத்தில் ஈடுபட்டாா். இதில், ஏடிஎஸ்பி தங்கவேல், டிஎஸ்பி வசந்தராஜ், காவல் ஆய்வாளா் செல்வம் உள்ளிட்டோா் கலந்து கொண்டனா்.