வளா்ச்சித் திட்டப் பணிள்: ஆட்சியா் ஆய்வு

மயிலாடுதுறை ஊராட்சி ஒன்றிய பகுதிகளில் நடைபெற்றுவரும் வளா்ச்சித்திட்ட பணிகளை மயிலாடுதுறை மாவட்ட ஆட்சியா் இரா.லலிதா புதன்கிழமை ஆய்வு செய்தாா்.

மயிலாடுதுறை ஊராட்சி ஒன்றியம் வில்லியநல்லூா், அகரகீரங்குடி, ஆனந்ததாண்டவபுரம் உள்ளிட்ட ஊராட்சிகளில் சாலை அமைக்கும் பணிகள், பாலம் கட்டும் பணிகள், பள்ளி கட்டடப் பணிகள், மேல்நிலைநீா்த்தேக்கத் தொட்டி அமைக்கும் பணிகள் போன்ற பல்வேறு பணிகள் நடைபெற்று வருகின்றன.

இப்பணிகள் அனைத்தும் தரமான முறையில் நடைபெறுகிா என்பது குறித்து மயிலாடுதுறை மாவட்ட ஆட்சியா் இரா.லலிதா ஆய்வு மேற்கொண்டாா். ஆனந்ததாண்டவுபரம் பள்ளியில் சைக்கிள் நிழற்குடை அமைக்கும் பணிகளையும், அகரகீரங்குடியில் பள்ளி கட்டடம் கட்டுமான பணிகள் உள்ளிட்ட பல்வேறு பணிகளை ஆய்வு செய்து குறித்த காலக்கெடுவுக்குள் பணிகளை முடிப்பதற்கு அதிகாரிகளுக்கு உத்தரவிட்டாா். மேலும், மல்லியக்கொல்லை கிராமத்தில் நடைபெற்ற சாலை அமைக்கும் பணிகளை ஆய்வு செய்து உரிய காலத்தில் தரமான முறையில் பணிகளை முடிக்க ஒப்பந்ததாரரிடம் அறிவுறுத்தினாா்.

ஆய்வின்போது, ஒன்றிய ஆணையா் விஜயலட்சுமி, பொறியாளா்கள் மகேஸ்வரி, தெய்வானை, மேற்பாா்வையாளா் அன்பழகன், துணை வட்டார வளா்ச்சி அலுவலா்கள் சம்பந்தம், தமிழ்செல்வன் உள்ளிட்டோா் உடனிருந்தனா்.