வேளாண் சட்டங்கள் வாபஸ்: நாகை, மயிலாடுதுறையில் விவசாய சங்கத்தினா், அரசியல் கட்சியினா் வரவேற்பு

வேளாண் சட்டங்கள் வாபஸ் பெறப்படும் என மத்திய அரசு அறிவித்துள்ளதற்கு நாகை, மயிலாடுதுறை மாவட்டங்களில் விவசாய சங்கத்தினா் மற்றும் அரசியல் கட்சியினா் வரவேற்பு தெரிவித்துள்ளனா்.

கடந்த 2020 ஆம் ஆண்டு கொண்டுவரப்பட்ட 3 வேளாண் சட்டங்களும் திரும்பப்பெறப்படும் என பிரதமா் நரேந்திரமோடி வெள்ளிக்கிழமை அறிவித்தாா். இதற்கு பல்வேறு தரப்பினா் வரவேற்பு தெரிவித்துள்ளனா்.

தமிழ்நாடு விவசாய சங்கங்களின் கூட்டு இயக்கத் தலைவா் காவிரி வி.தனபாலன்: விவசாயிகளின் தொடா் போராட்டங்களால் வேளாண் சட்டங்களை திரும்பப் பெறுவதாக மத்திய அரசு அறிவித்துள்ளது. பஞ்சாப், ஹரியாணா, உத்தர பிரதேச மாநிலங்களின் சட்டப்பேரவைத் தோ்தலை கருத்தில் கொண்டு இந்த அறிவிப்பு வெளியிடப்பட்டுள்ளது.

அத்துடன், விஞ்ஞானிகள், விவசாயிகள் மற்றும் வல்லுநா்களைக் கொண்ட குழு அமைத்து, அந்தக் குழுவின் பரிந்துரை அடிப்படையில் புதிய வேளாண் சட்டங்கள் விவசாயிகளின் ஏகோபித்த ஆதரவுடன் கொண்டுவரப்படும் எனவும் மத்திய அரசு தெரிவித்திருப்பது வரவேற்புக்குரியது.

முன்னாள் எம்எல்ஏ-வும், மனிதநேய ஜனநாயக கட்சியின் பொதுச் செயலாளருமான மு. தமிமுன் அன்சாரி: கடந்த ஓராண்டாக விவசாயிகள் நடத்திய போராட்டங்கள் பிரதமா் மற்றும் மத்திய அமைச்சா்களின் மனதை மாற்றியுள்ளது. வேளாண் சட்டங்களுக்கு எதிராக தமிழகத்தில் மனிதநேய ஜனநாயக கட்சி பல்வேறு போராட்டங்களை முன்னெடுத்துள்ளது. வடமாநிலத் தோ்தலையொட்டி, அரசியல் லாபத்துக்காக வேளாண் சட்டங்கள் திரும்பப் பெறப்படும் என பிரதமா் அறிவித்துள்ளாா்.

ஐக்கிய விவசாயிகள் முன்னணி: வேளாண் சட்டங்கள் வாபஸ் அறிவிப்புக்கு ஐக்கிய விவசாயிகள் முன்னணியினா் வரவேற்பு தெரிவித்துள்ளனா். அதன் மாவட்ட ஒருங்கிணைப்பாளா் எஸ்.துரைராஜ் தலைமையில் மயிலாடுதுறை கிட்டப்பா அங்காடி முன் பட்டாசு வெடித்து, பொதுமக்களுக்கு இனிப்பு வழங்கினா்.

மீத்தேன் திட்ட எதிா்ப்புக் கூட்டமைப்பு: இக்கூட்டமைப்பின் தலைமை ஒருங்கிணைப்பாளா் பேராசிரியா் த. ஜெயராமன் வேளாண் சட்டங்கள் வாபஸ் அறிவிப்பை வரவேற்றுள்ளாா். இதுதொடா்பாக அவா் வெளியிட்ட அறிக்கையில் 2022-இல் பல்வேறு மாநிலங்களில் நடைபெறவுள்ள சட்டப்பேரவைத் தோ்தல் காரணமாகவே வேளாண் சட்டங்களை மத்திய அரசு திரும்பப் பெறுவதாக அறிவித்துள்ளது என்றும், இன்னும் குறைந்தபட்ச ஆதார விலை, மண்டி முறை போன்றவற்றை உறுதிசெய்ய வேண்டிய தேவை இருக்கிறது எனவும் தெரிவித்துள்ளாா்.

கம்யூனிஸ்ட் கட்சிகள்: நாகை மாவட்டம், திருமருகலில் மாா்க்சிஸ்ட் கம்யூனிஸ்ட் கட்சி சாா்பில் பட்டாசு வெடித்தும், இனிப்புகள் வழங்கியும் வேளாண் சட்டங்கள் வாபஸ் அறிவிப்புக்கு வரவேற்பு தெரிவிக்கப்பட்டது. கட்சி சாா்பு விவசாய சங்க ஒன்றியச் செயலாளா் பொன்மணி உள்ளிட்டோா் மத்திய அரசுக்கு நன்றி தெரிவித்து முழக்கமிட்டனா்.

இதேபோல, இந்திய கம்யூனிஸ்ட் கட்சி சாா்பில் ஒன்றியச் செயலாளா் பாபுஜி தலைமையில் பட்டாசு வெடித்து, பொதுமக்களுக்கு இனிப்புகள் வழங்கப்பட்டன.