பாசன வாய்க்காலில் மருத்துவமனை கழிவுகள் கலப்பதை தடுக்க வேண்டும்: சீா்காழி நகா்மன்றக் கூட்டத்தில் வலியுறுத்தல்

சீா்காழி அரசு மருத்துவமனையிலிருந்து வெளியேற்றப்படும் கழிவுகள் பாசன வாய்க்காலில் கலப்பதை தடுக்க நடவடிக்கை எடுக்கவேண்டும் என வியாழக்கிழமை நடைபெற்ற நகா்மன்றக் கூட்டத்தில் வலியுறுத்தப்பட்டது.

இக்கூட்டம் நகா்மன்றத் தலைவா் துா்காபரமேஸ்வரி ராஜசேகரன் தலைமையில் நடைபெற்றது. ஆணையா் (பொ) இப்ராகிம், துணைத் தலைவா் சுப்பராயன், மேலாளா் காதா்கான் ஆகியோா் முன்னிலை வகித்தனா். வருவாய் ஆய்வாளா் ராஜகணேஷ் தீா்மானங்கள் தொடா்பாக அறிக்கை வாசித்தாா்.

பின்னா், உறுப்பினா்கள் சாமிநாதன் (திமுக), ராஜசேகரன் (தேமுதிக), வேல்முருகன் (பாமக), முழுமதி (மதிமுக), ராமு (திமுக), துணைத் தலைவா் சுப்பராயன் உள்ளிட்டோா் பல்வேறு கோரிக்கைகளை வலியுறுத்தி பேசினா்.

குறிப்பாக, சீா்காழி அரசு மருத்துவமனையில் இருந்து வெளியேறும் கழிவு நீா் பாசனவாய்க்காலில் கலப்பதை தடுக்க வேண்டும், சீா்காழி வட்டாட்சியா் அலுவலகத்துக்கு புதிய கட்டடம் கட்ட வேண்டும். நகா் பகுதிகளில் காலை மாலை பள்ளி நேரங்களில் கனரக வாகனங்கள் செல்ல தடை விதிக்க வேண்டும். குடிநீா் தட்டுப்பாட்டுக்கு தீா்வுகாண வேண்டும் உள்ளிட்ட கோரிக்கைகளை வலியுறுத்தினா்.

நகா்மன்றத் தலைவா் துா்காபரமேஸ்வரி பேசியது:

சீா்காழி நகரில் அனைத்து பொது சுகாதார வளாகமும் விரைவில் சீரமைக்க நடவடிக்கை மேற்கொள்ளப்படும். செயல்படாமல் உள்ள குப்பை அள்ளும் வாகனங்களை சரிசெய்து செயல்பாட்டிற்கு கொண்டுவரப்படும். அனைத்து வாா்டுகளிலும் கோடை காலத்தை முன்னிட்டு குடிநீா் தட்டுப்பாட்டை போக்கும் வகையில் கைப்பம்புகள் கூடுதலாக அமைத்து தரப்படும். நிதி நிலைக்கு ஏற்ப உறுப்பினா்களின் கோரிக்கைகள் நிறைவேற்றப்படும் என்றாா்.

கூட்டத்தில் நகரமைப்பு ஆய்வாளா் நாகராஜ், பணி மேற்பாா்வையாளா் பாலசுப்பிரமணியன் உள்ளிட்ட பலா் கலந்து கொண்டனா்.