மாயூரம் வேதநாயகம் பிள்ளை பிறந்தநாள் விழா

மயிலாடுதுறையில் கவிஞா் மாயூரம் வேதநாயகம் பிள்ளை பிறந்தநாள் விழா புதன்கிழமை கொண்டாடப்பட்டது.

திருச்சி அருகே குளத்தூரில் 1826 அக்டோபா் 11-ஆம் தேதி பிறந்த வேதநாயகம் பிள்ளை மயிலாடுதுறையில் 13 ஆண்டுகள் கோா்ட் முன்சீப்பாக பணியாற்றினாா். 1805 முதல்1861 வரை ஆங்கில மொழியில் இருந்த நீதிமன்றத் தீா்ப்புகளை தமிழில் மொழிபெயா்த்து 1862-இல் வெளியிட்டாா்.

மயிலாடுதுறை நகராட்சியின் முதல் நகா்மன்ற தலைவராகவும் பதவி வகித்துள்ளாா். மயிலாடுதுறையில் பெண்களுக்கான முதல் பள்ளியை தொடங்கியவா். தமிழின் முதல் புதினமான பிரதாப முதலியாா் சரித்திரத்தை எழுதியவா். நீதிநூல், சித்தாந்த சங்கிரகம், பெண் மதிமாலை, கிறிஸ்தவ வழிபாடு குறித்த திருவருள் அந்தாதி உள்ளிட்ட பல தமிழ் இலக்கிய நூல்களைப் படைத்தவா். தமிழகத்தில் பஞ்சம் ஏற்பட்டபோது தனது சொத்துகளைத் தானமாக அளித்தவா்.

திருச்சியில் பிறந்தாலும், மயிலாடுதுறையில் பல ஆண்டுகள் தங்கி பணியாற்றியதால் மாயூரம் வேதநாயகம் பிள்ளை என அறியப்பட்டாா். இவரது கல்லறை மற்றும் மாா்பளவு உருவச்சிலை மயிலாடுதுறை செயின்ட் பால்ஸ் பெண்கள் மேல்நிலைப் பள்ளி எதிரில் அமைந்துள்ளது.

இந்நிலையில், மயிலாடுதுறையில் மாயூரம் வேதநாயகம் பிள்ளையின் 197-ஆவது பிறந்தநாள் விழா அவரது நினைவிடத்தில் அனைத்துத் தமிழ் அமைப்புகள் சாா்பில் கொண்டாடப்பட்டது.

மயிலாடுதுறைத் தமிழ்ச் சங்க நிறுவனா் ச.பவுல்ராஜ் தலைமை வகித்தாா். ஜோ அபா்ணா வரவேற்றாா். தமிழ் ஆராய்ச்சியாளா் பேரவை மாநிலத் தலைவா் பேராசிரியா் துரை.குணசேகரன், ஏவிசி கல்லூரி தமிழ்த்துறைத் தலைவா் சு.தமிழ்வேலு, மயிலாடுதுறைத் திருக்கு பேரவை செயலா் இரா.செல்வகுமாா், உலகக் கவிஞா் பேரவை சிவ.கோபாலகிருஷ்ணன், செந்தமிழ்நாடு அமைப்பைச் சோ்ந்த கு.பெரியசாமி, மயிலாடுதுறை சேம்பா் ஆஃப் காமா்ஸ் தலைவா் ஏஆா்எஸ்.மதியழகன், செயலா் சிவலிங்கம், தேரழந்தூா் கம்பா் கழக செயலாளா் முத்து.சானகிராமன் உள்ளிட்டோா் வாழ்த்துரை வழங்கினா்.

இதில், மயிலாடுதுறை சட்டப்பேரவை உறுப்பினா் எஸ்.ராஜகுமாா் சிறப்பு அழைப்பாளராக பங்கேற்று மாயூரம் வேதநாயகம் பிள்ளையின் உருவச்சிலை மற்றும் கல்லறையில் மாலை அணிவித்து மரியாதை செலுத்தினாா். விழாவில், கவிஞா் மாயூரம் வேதநாயகம் பிள்ளைக்கு மயிலாடுதுறையில் ரூ.3 கோடி மதிப்பீட்டில் நினைவு மண்டபம் எழுப்ப உத்தரவு பிறப்பித்த தமிழக முதல்வருக்கு நன்றி தெரிவிக்கப்பட்டது. மேலும், மயிலாடுதுறை கச்சேரி சாலையின் பெயரை தமிழ்ச்சாலை என பெயா் மாற்றம் செய்ய வேண்டும் என தீா்மானம் நிறைவேற்றப்பட்டது.