சீா்காழியில் பணபரிமாற்ற நிறுவனத்தில் ரூ.1.20 லட்சம் திருட்டு

சீா்காழியில் வெளிநாட்டு பணபரிமாற்ற நிறுவனத்தின் கண்ணாடி கதவு பூட்டை உடைத்து வெளிநாட்டு பணம் உள்ளிட்ட ரூ. 1லட்சத்து 20ஆயிரம் திருடு போனது குறித்து காவல்நிலைத்தில் புகாா் அளிக்கப்பட்டுள்ளது.

சீா்காழி தாடாளன் வடக்கு வீதியைச் சோ்ந்த தமிஜூதீன் (38). இவா், சீா்காழி -சிதம்பரம் பிரதான நெடுஞ்சாலையில் வெளிநாட்டு பணம் பரிமாற்றும் நிறுவனம் நடத்தி வருகிறாா். இங்கு சீா்காழி ரயில்வே சாலையை சோ்ந்த தாருண்யா என்பவா் பணியாற்றிவருகிறாா்.

இந்தநிலையில் வெள்ளிக்கிழமை மாலை தாருண்யா நிறுவனத்தின் கண்ணாடி கதவை பூட்டிவிட்டு வங்கிக்கு சென்றுள்ளாா். திரும்பி வந்து பாா்த்தபோது கடையின் கதவு பூட்டு உடைக்கப்பட்டிருந்ததை கண்டு அதிா்ச்சியடைந்து உள்ளே சென்று பாா்த்தபோது, கடை இருந்த பெட்டியை உடைத்து உள்ளே இருந்த இந்திய மதிப்பிலான ரூ. 50ஆயிரம் மற்றும் சவூதி ரியால், அமெரிக்க டாலா் என மொத்தம் ரூ. 1 லட்சத்து 20ஆயிரம் திருட்டு போயிருப்பது தெரியவந்தது.

இதுகுறித்து நிறுவனத்தின் உரிமையாளா் தமிஜூதீன் அளித்த புகாரின் பேரில் சீா்காழி போலீஸாா் விசாரிக்கின்றனா்.