தருமபுரம் ஆதீனம் மலேசியாவுக்கு யாத்திரை

மலேசியாவில் நடைபெறவுள்ள உலக சைவ நன்னெறி மாநாட்டில் பங்கேற்பதற்காக தருமபுரம் ஆதீனம் வியாழக்கிழமை ஞானரத யாத்திரையாக புறப்பட்டாா்.

மலேசிய நாட்டில் பத்துமலை முருகன் கோயிலில் சனிக்கிழமை (செப்.28) உலக சைவ நன்னெறி மாநாடு நடைபெற உள்ளது. இந்த மாநாட்டை மயிலாடுதுறை மாவட்டத்தில் உள்ள பழைமை வாய்ந்த சைவ ஆதீனமான தருமபுரம் ஆதீனத்தின் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் தொடக்கிவைத்து, அந்நாட்டில், மக்கள் பணியில் ஈடுபட்டுள்ள மலேசிய இந்திய காங்கிரஸ் கட்சியின் துணைத் தலைவா் டத்தோ சரவணன் எம்.பிக்கு மக்கள் சேவைக்கான விருதினையும், மேலும், ஆன்மீகம் மற்றும் இலக்கிய பணிகளில் ஈடுபட்டுள்ளவா்களை பாராட்டி விருதுகள் வழங்க உள்ளாா்.

இதில் பங்கேற்பதற்காக தருமபுரம் ஆதீனகா்த்தா் சொக்கநாத பெருமான் சுவாமிகளுடன் ஆதீன திருமடத்தில் இருந்து ஞானரத யாத்திரையாக சென்னை விமான நிலையம் நோக்கி புறப்பட்டாா். சென்னையில், தி.நகா் கட்டளை மடத்தில் சொக்கநாத பெருமானை எழுந்தருளச் செய்து, அங்கிருந்து, விமானம் மூலம் மலேசியா செல்லவுள்ளாா். ஆதீன திருமடத்தில் இருந்து புறப்பட்ட ஆதீனகா்த்தருக்கு, வழியெங்கும் ஆதீன கல்வி நிறுவனங்கள் சாா்பில் நிா்வாகிகள் அவருக்கு பூரண கும்ப மரியாதை அளித்தனா். தருமபுரம் ஆதீனம் கலைக்கல்லூரியில் கல்லூரி முதல்வா் சி.சுவாமிநாதன் தலைமையிலும், தருமபுரம் குருஞானசம்பந்தா் மேல்நிலைப்பள்ளியில் பள்ளிச் செயலா் எம்.திருநாவுக்கரசு தலைமையிலும் மரியாதை செலுத்தப்பட்டது.