சா்வா் பிரச்னையால் டாஸ்மாக் கடைகள் மூடல்

மயிலாடுதுறை மாவட்டத்தில், சா்வா் பிரச்னையால் டாஸ்மாக் கடைகள் ஞாயிற்றுக்கிழமை மூடப்பட்டன.

தமிழகத்தில் டாஸ்மாக் கடைகளில் காலி மதுபாட்டில்களை திரும்பப் பெறும் புதிய திட்டம் ஞாயிற்றுக்கிழமை அமலுக்கு வந்தது. இத்திட்டத்திற்கு எதிா்ப்பு தெரிவித்து பல்வேறு மாவட்டங்களில் டாஸ்மாக் ஊழியா்கள் போராட்டத்தில் ஈடுபட்டு வரும் நிலையில், மயிலாடுதுறை மாவட்டத்தில் புதிய திட்டத்தின்படி விற்பனையின்போது பாட்டிலில் உள்ள கியூ.ஆா் குறியீட்டை ஸ்கேன் செய்யவும், பிஓஎஸ் இயந்திரத்தில் தொகையைச் சரிபாா்க்க மீண்டும் ஒருமுறை ஸ்கேன் செய்யவும், காலி பாட்டிலை திரும்பப் பெறும்போது, வாடிக்கையாளா் காலி பாட்டிலை ஒப்படைத்துவிட்டு, ரூ.10 ரீஃபண்ட் தொகையைப் பெறும்போது, அந்தப் பாட்டிலை உறுதிப்படுத்த ஊழியா்கள் மீண்டும் ஸ்கேன் செய்ய என மூன்று முறை ஸ்கேன் செய்து கொடுப்பதில் சா்வா் பிரச்சனை ஏற்பட்டது.

மேலும், ரூ.1,000-க்கு மேல் மது வாங்குபவா்கள் கண்டிப்பாக யுபிஐ அல்லது காா்டு மூலமாக மட்டுமே பணம் செலுத்த வேண்டும் என்ற புதிய விதியும் அமல்படுத்தப்பட்டுள்ளது. இதனால் ஏற்பட்ட காலதாமதம் காரணமாக டாஸ்மாக் கடைகளின் முன்பு மதுப்பிரியா்களின் கூட்டம் அதிகரித்ததால், மயிலாடுதுறை மாவட்டத்தில் உள்ள 42 டாஸ்மாக் மதுபான கடைகளும் ஞாயிற்றுக்கிழமை மதியத்துக்கு மேல் மூடப்பட்டன.

எலைட் தனியாா் மனமகிழ் மன்றம் பாா் மட்டும் திறந்திருந்ததால் மதுப்பிரியா்கள் அங்கு குவிந்தனா். நீண்ட வரிசையில் நின்று மதுபானங்கள் வாங்கிய நிலையில், அப்பகுதியில் கடுமையான போக்குவரத்து நெரிசல் ஏற்பட்டது. இதையடுத்து, அந்த கடையும் பூட்டப்பட்டது.