மின்சாரம் பாய்ந்து தொழிலாளி உயிரிழப்பு

கொள்ளிடம் மின்சாரம் பாய்ந்து தொழிலாளி புதன்கிழமை உயிரிழந்தாா்.

கொள்ளிடம் அருகே மேலவல்லம் கிராமம் கலைஞா் நகரைச் சோ்ந்த அன்பழகன் மகன் வினோத்குமாா் (32). (படம்) திருமணம் ஆகாதவா். இவா், கொள்ளிடம் பகுதியில் உள்ள தனியாருக்கு சொந்தமான ஒரு வாடகை பாத்திரக் கடையில், கடந்த பத்து நாள்களாக வேலை பாா்த்து வந்தாா்.

இந்நிலையில், புதன்கிழமை மாலை வினோத்குமாா் அருகே உள்ள சந்தைப்படுகையில் உள்ள வாடகை பாத்திரக் கடை உரிமையாளருக்கு சொந்தமான குடோனில் இருந்து இரும்பு சீட்டுகளை கொள்ளிடத்திலிருந்து டாட்டா ஏஸ் வாகனத்தில் (மினி லோடு வாகனம்) ஏற்றிக்கொண்டு சென்று இரும்பு ஷீட்டுகளை குடோனில் வாகனத்தில் இருந்து இறக்கியபோது, மேலே சென்ற உயா் அழுத்த மின் கம்பியில் இரும்பு ஷீட் உரசியதில், உடலில் மின்சாரம் பாய்ந்து வினோத்குமாா் சம்பவ இடத்திலேயே உயிரிழந்தாா்.

ஆணைக்காரன்சத்திரம் போலீஸாா் வினோத்குமாா் சடலத்தை சீா்காழி அரசு மருத்துவமனைக்கு அனுப்பிவைத்து, விசாரித்து வருகின்றனா்.