மணல்மேடு அருகே தீக்குளித்தவர் சாவு

மணல்மேடு அருகே தீக்குளித்த துப்புரவுத் தொழிலாளி வெள்ளிக்கிழமை உயிரிழந்தார்.

மணல்மேடு அடுத்துள்ள கிழாய் பகுதியைச் சேர்ந்தவர் கலியபெருமாள். இவரது மனைவி மாரியம்மாள். துப்புரவுத் தொழிலாளர்களான இவர்கள் இருவரும், மயிலாடுதுறை ஊராட்சி ஒன்றியத்துக்குள்பட்ட வரதம்பட்டு ஊராட்சி மன்ற அலுவலக பின்புறத்தில் உள்ள ஒரு கட்டடத்தில் தங்கிக்கொண்டு, துப்புரவுத் தொழிலாளிகளாக பணியாற்றி வந்தனர்.

இந்நிலையில், வயிற்றுவலியால் அவதிப்பட்டு வந்த கலியபெருமாள் வெள்ளிக்கிழமை வீட்டிலிருந்த மண்ணெண்ணெயை ஊற்றி தீக்குளித்தார்.

மயிலாடுதுறை அரசு மருத்துவமனையில் அனுமதிக்கப்பட்டு, அங்கு அவர் உயிரிழந்தார். சம்பவம் தொடர்பாக மணல்மேடு போலீஸார் விசாரித்து வருகின்றனர்.