முதியவர் காணவில்லை

நாகப்பட்டினத்தில் முதியவரை காணவில்லை என போலீஸில் வெள்ளிக்கிழமை புகார் செய்யப்பட்டது.

நாகப்பட்டினம், நம்பியார் நகர், தெற்குத் தெருவைச் சேர்ந்தவர் பழனிவேல் (70). இரு தினங்களுக்கு முன்பு வீட்டை விட்டு வெளியில் சென்ற இவர், மீண்டும் வீட்டுக்குத் திரும்பவில்லை. உறவினர்கள் பல இடங்களில் தேடியும் அவர் கிடைக்கவில்லை.

இதுகுறித்து வெளிப்பாளையம் போலீஸில் புகார் செய்தனர். அதன்பேரில், போலீஸார் வழக்குப் பதிந்து, பழனிவேலை தேடிவருகின்றனர்.