கன்னிகா பரமேஸ்வரி கோயிலில் திருவிளக்குப் பூஜை

திருவெண்காடு சின்னப்பெருந்தோட்டம் ஆதிதிராவிடர் கிராமத்தில் அமைந்துள்ள கன்னிகா பரமேஸ்வரி கோயிலில் ஆடி செவ்வாய்க்கிழமையையொட்டி 501 பெண்கள் பங்கேற்ற திருவிளக்குப் பூஜை நடைபெற்றது. 
நிகழ்ச்சியையொட்டி, பெண்கள் திருவிளக்குகளுக்கு பூக்களால் அலங்காரம் செய்து, குருக்கள் திருவிளக்கு மந்திரங்களை கூற அதை பெண்கள் திரும்பக் கூறி விளக்குக்கு குங்குமத்தால் அர்ச்சனை செய்தனர். தொடர்ந்து, தேங்காய், வாழைப்பழம், சர்க்கரை பொங்கல் உள்ளிட்டவைகளால் நைவேத்தியம் செய்யப்பட்டு, அனைத்து விளக்குகளுக்கும் தீபாராதனை காண்பிக்கப்பட்டது. இதில், தஞ்சை மண்டல் விஸ்வ இந்து பரிஷத் செயலர் செந்தில், நாகை மாவட்டச் செயலர் நாகராஜன் உள்ளிட்டோர் பங்கேற்றனர். முன்னதாக, அம்மனுக்கு சிறப்பு அபிஷேகமும், மஞ்சள்காப்பு அலங்காரம் நடைபெற்றது.