வேதாரண்யத்தில் பயனாளிகளுக்கு குடிமனைப் பட்டா அளிப்பு

நாகை மாவட்டம், வேதாரண்யத்தில் நலிவடைந்த குடும்பத்தைச் சேர்ந்த பெண்களுக்கு குடிமனைப் பட்டா ஆணை வழங்கும் நிகழ்ச்சி செவ்வாய்க்கிழமை நடைபெற்றது.
வேதாரண்யம் வட்டாட்சியர் அலுவலகத்தில் நடைபெற்ற இந்நிகழ்ச்சியில் மாவட்ட ஆட்சியர் சீ. சுரேஷ்குமார் கலந்துகொண்டு, 10 பேருக்கு குடிமனைப் பட்டா ஆணைகளை வழங்கினார். நிகழ்ச்சிக்கு வட்டாட்சியர்கள் மா. ஸ்ரீதர், இரா. சங்கர் ஆகியோர் முன்னிலை வகித்தனர். தலைமையிடத்து துணை வட்டாட்சியர் முருகு, தனி வட்டாட்சியர் ராசேந்திரன், துணை வட்டாட்சியர் ராஜா, கிராம நிர்வாக அலுவலர் சங்கத் தலைவர் ரெங்கநாதன் உள்ளிட்டோர் பங்கேற்றனர்.