கூட்டுறவு சங்கத் தேர்தலில் அமமுகவினர் வெற்றி

கஞ்சாநகரம் தொடக்க வேளாண்மை கூட்டுறவு சங்க இயக்குநர்கள் தேர்தலில் அமமுகவினர் வெற்றி பெற்றனர். 
செம்பனார்கோயில் அருகேயுள்ள கஞ்சாநகரம் தொடக்க வேளாண்மை கூட்டுறவு சங்கத்தில் அண்மையில் நடைபெற்ற இயக்குநர்கள் தேர்தலில், அதிமுக சார்பில் விஸ்வநாதன் தலைமையில் 11பேரும், அம்மா மக்கள் முன்னேற்ற கழகம் சார்பில் சுப்பிரமணியன் தலைமையில் 10 பேரும் போட்டியிட்டனர். இதில் பதிவான வாக்குகள் சனிக்கிழமை எண்ணப்பட்டது. முடிவில், அமமுகவைச் சேர்ந்த சுப்பிரமணியன், செல்வராஜ், நாகராஜன் உள்ளிட்ட 10 பேரும் இயக்குநர்களாக வெற்றி பெற்றனர். இதையடுத்து, வெற்றி பெற்றவர்களுக்கு கூட்டுறவுத் துறை அலுவலர் நடராஜன் சான்றிதழ்கள் வழங்கினார்.