மது விற்ற 35 பேர் கைது

நாகை மாவட்டத்தில் மது விற்ற 35 பேர் கைது செய்யப்பட்டனர்.
நாகை மாவட்டத்தில் சாராய விற்பனையைத் தடுக்கவும், அதில் தொடர்புடையவர்களை கைது செய்யவும், காவல்துறையினர் தொடர் நடவடிக்கைகள் மேற்கொண்டு வருகின்றனர். 
அந்த வகையில், நாகை மாவட்டத்தின் பல்வேறு பகுதிகளில் சனிக்கிழமை போலீஸார் மேற்கொண்ட தீவிர மது விலக்கு சோதனையில்,  சாராயம் விற்ற 35 பேர் கைது செய்யப்பட்டனர். அவர்களிடமிருந்து 4,195  லிட்டர் வெளிமாநில சாராயம் மற்றும் 180 மில்லி கொள்ளளவு கொண்ட 58 மதுப் புட்டிகள், நான்கு சக்கர வாகனம், 9 இருசக்கர வாகனங்கள் பறிமுதல் செய்யப்பட்டன. இந்த தகவல், நாகை மாவட்டக் காவல் கண்காணிப்பாளர் செ.விஜயகுமார் ஞாயிற்றுக்கிழமை வெளியிட்ட செய்திக் குறிப்பில் தெரிவிக்கப்பட்டுள்ளது.