ஆதிதிராவிடர் பள்ளித் தலைமையாசிரியருக்கு விருது

நாகை மாவட்டம், வேதாரண்யம் பகுதியைச் சேர்ந்த இரண்டு ஆசிரியர்களுக்கு தமிழக அரசின் டாக்டர் இராதாகிருஷ்ணன் நல்லாசிரியர் விருது புதன்கிழமை வழங்கப்பட்டது.
ஆயக்காரன்புலம் நடேசனார் அரசு மேல்நிலைப்பள்ளி தொழிற் கல்வி ஆசிரியர் கணேஷ்குமார். இவர் கடந்த 32 ஆண்டுகளமாக ஆசிரியராக பணியாற்றி வருகிறார். இதேபோல், வேதாரண்யம் காந்திநகர் (வெட்டியக்காடு) ஆதிதிராவிடர் நல அரசு துவக்கப்பள்ளித் தலைமையாசிரியராக பணியாற்றுபவர் பா. வெங்கடாஜலபதி. 
இவர் 31 ஆண்டுகளாக ஆசிரியராகப் பணியாற்றி வருகிறார். இந்த இரு ஆசிரியர்களின் கல்விப் பணியை பாராட்டி சென்னையில் நடைபெற்ற விழாவில் தமிழக அரசின் டாக்டர் இராதாகிருஷ்ணன் நல்லாசிரியர் விருதை தமிழக பள்ளிக் கல்வி அமைச்சர் செங்கோட்டையன் வழங்கினார். விருதுபெற்ற ஆசிரியர்களை பள்ளி ஆசியர்கள், பெற்றோர் ஆசிரியர் கழக நிர்வாகிகள்  பாராட்டினர்.