பள்ளியில் தூய்மைப் பணி

நாகை மாவட்டம், வேதாரண்யத்தை அடுத்த மறைஞாயநல்லூர் அனந்தராசு பள்ளியில் தூய்மை இந்தியா திட்டத்தின்கீழ், தூய்மைப் பணி புதன்கிழமை மேற்கொள்ளப்பட்டது.
நாகை மாவட்ட நேரு யுவகேந்திரா, அம்பேத்கர் இளைஞர் நற்பணி மன்றம், ஆயக்காரன்புலம்-3 நேதாஜி சமூகநலச் சங்கம் மற்றும் வேதாரண்யம் அமுதசுரபி மகளிர் மன்றம் ஆகியவை சார்பில், இந்த தூய்மைப் பணி நடைபெற்றது. யுவகேந்திரா மாவட்ட ஒருங்கிணைப்பாளர் எஸ். பாரத் தலைமை வகித்தார். பள்ளி தலைமையாசிரியர் அருள்நிதி முன்னிலை வகித்தார். சமூக ஆர்வலர்கள் சுந்தரமூர்த்தி, மாலதி மற்றும் மாணவர்கள், பொதுமக்கள் பங்கேற்றனர்.