காரில் மதுபுட்டி கடத்தியவர் கைது

நாகை அருகே புதன்கிழமை காரில் ரூ. 1.20 லட்சம் மதிப்புள்ள புதுச்சேரி மாநில மதுபுட்டி கடத்தியவரை போலீஸார் கைது செய்தனர். 
நாகை மாவட்டம், சூரக்காடு முக்கூட்டுப் பகுதியில் தனிப்படை போலீஸார் சோதனையில் ஈடுபட்டிருந்தபோது, சந்தேகப் படும் வகையில் வந்த காரை நிறுத்தி ஆய்வு மேற்கொண்டனர். அப்போது, அந்த காரில் புதுச்சேரி மாநில 2,880 மதுபுட்டிகள் கடத்தி வந்ததது கண்டுபிடிக்கப்பட்டது. இதையடுத்து, போலீஸார் கார் மற்றும் மதுபுட்டிகளை பறிமுதல் செய்து இதுதொடர்பாக, காரைக்கால் மாவட்டம், ராயன்பாளையம் பகுதியைச் சேர்ந்த சந்தோஷ் (28) என்பவரை  கைது செய்து விசாரணை மேற்கொண்டுள்ளனர்.