போட்டித் தோ்வுகளுக்கான ஆன்லைன் பயிற்சி வகுப்பு தொடக்கம்

மயிலாடுதுறையில் போட்டித் தோ்வுகளுக்கான இலவச தொடா் ஆன்லைன் பயிற்சி வகுப்பு திங்கள்கிழமை தொடங்கியது.

மத்திய, மாநில அரசுப் பணிகளுக்காக நடத்தப்படும் பல்வேறு போட்டித் தோ்வுகளுக்கான தொடா் இலவச ஆன்லைன் பயிற்சி வகுப்புகள் காவிரி அமைப்பு சாா்பாக தொடங்கப்பட்டுள்ளன. இணைய வழியில் நடத்தப்பட்ட இதற்கான தொடக்க விழாவில் அந்த அமைப்பின் தலைவா் கோமல் அன்பரசன் அறிமுக உரையாற்றினாா்.

வருமான வரித்துறை இணை ஆணையா் வி. நந்தகுமாா் ஐ.ஆா்.எஸ்., சிறப்பு விருந்தினராக பங்கேற்று, போட்டித் தோ்வுகளை எவ்வாறு கையாள வேண்டும், போட்டித் தோ்வுகளுக்கு மாணவா்கள் எவ்வாறு தயாராக வேண்டும் என்பது குறித்தும், உயா் பதவியிடங்களுக்கான ஆளுமையை எப்படி வளா்த்து கொள்வது குறித்தும் பயிற்சி அளித்து பேசினாா். தொடா்ந்து தமிழக அரசின் டாக்டா் அப்துல் கலாம் விருது பெற்ற கல்வியாளா் ஆனந்தம் செல்வகுமாா், மாணவா்கள் தங்கள் கனவுகளை எட்டி பிடிக்க பின்பற்ற வேண்டிய எளிய வழிமுறைகள் குறித்து பேசினாா்.

நிகழ்ச்சியில் பங்கேற்றவா்கள் போட்டித் தோ்வுகள் தொடா்பான தங்கள் சந்தேகங்களை கேட்டு தெளிவு பெற்றனா். பயிற்சியில் பங்கேற்க விரும்புவோா், தாங்கள் பெயா், ஊா், எழுத விரும்பும் தோ்வு, மின்னஞ்சல் முகவரி ஆகிய விவரங்களுடன் 9940937928 என்ற எண்ணுக்கு வாட்ஸ்அப் (கட்செவி அஞ்சல்) மூலம் அனுப்பி பதிவு செய்து கொள்ளலாம் என்று காவிரி அமைப்பு தெரிவித்துள்ளது.