தோ்தல் விதிமீறல்: 63 வழக்குகள் பதிவு

நாகை, மயிலாடுதுறை மாவட்டங்களில் தோ்தல் விதிமீறலில் ஈடுபட்டதால் 63 வழக்குகள் பதிவு செய்யப்பட்டுள்ளது.

இதுகுறித்து, நாகை மாவட்டக் காவல் நிா்வாகம் சாா்பில் திங்கள்கிழமை கூறியது: தமிழக சட்டப்பேரவைத் தோ்தலையொட்டி, தோ்தல் நடத்தை விதிகள் அமலில் இருந்து வருவதால், தோ்தல் நடத்தை விதிகளை மீறுவோா் மீது நடவடிக்கை மேற்கொள்ளப்பட்டு வருகிறது. அந்தவகையில் நாகை, மயிலாடுதுறை மாவட்டங்களில் மாா்ச் 26 முதல் ஏப். 7- ஆம் தேதி வரை தோ்தல் விதிமீறலில் ஈடுபட்ட குற்றத்தின்கீழ் 63 வழக்குகள் பதிவு செய்யப்பட்டுள்ளன என தெரிவித்தனா்.