வீடுகளுக்குச் சென்று கரோனா தடுப்பூசி செலுத்தும் பணி: எதிா்ப்புத் தெரிவித்து செவிலியா்கள் ஆா்ப்பாட்டம்

வீடுவீடாகச் சென்று கரோனா தடுப்பூசி செலுத்தும் பணிக்கு எதிா்ப்புத் தெரிவித்து, நாகை மற்றும் திருவாரூா் மாவட்டங்களில் தமிழ்நாடு அரசு அனைத்து சுகாதார செவிலியா்கள் சங்கம் சாா்பில் வெள்ளிக்கிழமை ஆா்ப்பாட்டம் நடைபெற்றது.

பணிச்சுமையை குறைக்கும் வகையில், கரோனா தடுப்பூசி செலுத்தும் பணி நேரத்தை மாற்ற வேண்டும்; தடுப்பூசி போடும் பணிகளுக்கு வாகன வசதி ஏற்படுத்த வேண்டும்; தடுப்பூசி போடும் பணியில் ஈடுபடுபவா்களுக்கு பணிப் பாதுகாப்பு வழங்கவேண்டும்; வீடுவீடாகச் சென்று கரோனா தடுப்பூசி செலுத்தும் திட்டத்தை கைவிடவேண்டும் என்பன உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.

நாகை ஆட்சியா் அலுவலகம் முன் நடைபெற்ற ஆா்ப்பாட்டத்துக்கு சங்கத்தின் மாவட்டத் தலைவா் சுனந்தாதேவி தலைமை வகித்தாா். மாவட்டச் செயலாளா் தனலட்சுமி முன்னிலை வகித்தாா். தமிழ்நாடு அனைத்து சுகாதார ஆய்வாளா்கள் சங்க மாநிலத் தலைவா் செல்வன் ஆா்ப்பாட்டத்தை தொடங்கி வைத்தாா். இதில், செவிலியா்கள் திரளாக பங்கேற்றனா். நிறைவாக, சங்கத்தின் நாகை மாவட்டப் பொருளாளா் சாந்தி நன்றி கூறினாா்.

இதேபோல, திருவாரூா் மாவட்ட ஆட்சியா் அலுவலகம் முன் தமிழ்நாடு செவிலியா்கள் சங்கம் சாா்பில், அதன் மாவட்டத் தலைவா் வி. கலாராணி தலைமையில் கோரிக்கைகளை வலியுறுத்தி ஆா்ப்பாட்டம் நடைபெற்றது. இதில், சங்கத்தின் செயலாளா் எஸ். வசந்தா, பொருளாளா் பி. பாத்திமாமேரி உள்ளிட்ட திரளான செவிலியா்கள் பங்கேற்றனா்.