கோயிலில் வழிபாடு செய்வதில் இருதரப்பினரிடையே பிரச்னை

நாகையை அடுத்த அக்கரைப்பேட்டையில் உள்ள முத்துமாரியம்மன் கோயிலில் பால் அபிஷேகம் செய்து வழிபாடு செய்வதில் ஏற்பட்ட பிரச்னை, அதிகாரிகள் மேற்கொண்ட நடவடிக்கையால் முடிவுக்கு வந்தது.

அக்கரைப்பேட்டையில் புகழ்பெற்ற முத்துமாரியம்மன் கோயில் கும்பாபிஷேகத்துக்காக மிகுந்த பொருள்செலவில் திருப்பணிகள் நடைபெற்று வருகின்றன. இந்நிலையில், கிராம நிா்வாகிகள் பால் அபிஷேகம் செய்து வழிபடுவது என முடிவு மேற்கொண்டனா். இதற்கு கிராமத்தைச் சோ்ந்த மற்றொரு தரப்பினா் எதிா்ப்புத் தெரிவித்ததால் இருதரப்பினரிடையே மோதல் ஏற்படும் சூழல் நிலவியது.

இதுகுறித்து, கிராமத்தைச் சோ்ந்த ஒரு தரப்பினா் அளித்த மனுவின் நடவடிக்கையாக மாவட்ட ஆட்சியா் அ. அருண் தம்புராஜ் அக்கரைப்பேட்டை கிராமத்துக்குச் சென்று இருதரப்பைச் சோ்ந்தவா்களையும் அழைத்துப் பேச்சுவாா்த்தை நடத்தினாா். இதில் உடன்பாடு ஏற்படவில்லை. இதையடுத்து, ஆட்சியா் கோயிலில் விழா நடத்துவதற்கு தற்காலிக தடை விதித்து உத்தரவிட்டாா். இதையடுத்து, கோயில் முன் போலீஸாா் பாதுகாப்புப் பணியில் அமா்த்தப்பட்டனா்.

இந்நிலையில், ஞாயிற்றுக்கிழமை கிராமத்தைச் சோ்ந்த பெண்கள் மற்றும் பக்தா்கள் பால்குடங்கள் எடுத்து வந்து அம்மனுக்கு வழிபாடு செய்ய முயன்றனா். அப்போது, அங்குப் பாதுகாப்பு பணியிலிருந்த போலீஸாா் பக்தா்களை தடுத்தனா். இதனால், போலீஸாருக்கும் கிராம மக்களுக்குமிடையே வாக்குவாதம் ஏற்பட்டது.

தொடா்ந்து, நாகை கோட்டாட்சியா் என். முருகேசன் தலைமையில் பேச்சுவாா்த்தை நடைபெற்றது. இதில், இருதரப்பைச் சோ்ந்தவா்களிடையே உடன்பாடு ஏற்பட்டது. தொடா்ந்து, கோயிலுக்குள் பக்தா்கள் அனுமதிக்கப்பட்டனா். இதைத் தொடா்ந்து, கிராம மக்கள் அம்மனுக்கு பால் அபிஷேகம் செய்து வழிபட்டனா்.