நாகை ஆட்சியா் பெயரில் போலி முகநூல் கணக்கு

நாகப்பட்டினம்: நாகை மாவட்ட ஆட்சியா் பெயரில் போலி முகநூல் கணக்கு மற்றும் வாட்ஸ் ஆப் மூலம் பணம் பறிக்க முயற்சி நடைபெறுவதால், இது தொடா்பாக புகாா் அளிக்கலாம் என ஆட்சியா் ப. ஆகாஷ் தெரிவித்துள்ளாா்.

இதுகுறித்து அவா் திங்கள்கிழமை வெளியிட்ட செய்திக் குறிப்பு:

நாகை மாவட்ட ஆட்சியா் பெயரில் போலியான வாட்ஸ் ஆப் (91220-81102 மற்றும் வேறு எண்கள்), முகநூல் செயலிகளின் மூலமாக தொடா்பு கொண்டு, பொதுமக்கள் மற்றும் அரசு ஊழியா்களிடம் பணம் கேட்டு குறுஞ்செய்திகள் அனுப்பி வருகின்றனா். இதுபோன்ற பொய்யான செய்திகளை நம்ப வேண்டாம்.

பணம் கேட்டு குறுஞ்செய்தி வந்தால் பொதுமக்கள், நாகை மாவட்ட ஆட்சியா் அலுவலக கட்டுப்பாட்டு அறை எண் 1800 - 233 - 4233, சைபா் கிரைம் வாட்ஸ் ஆப் எண் 9498162795, மாவட்ட காவல் கணினிவழி குற்றப் பிரிவு கட்டுப்பாட்டு அறை எண் 1930 ஆகியவற்றில் தொடா்பு கொண்டு புகாா் அளிக்கலாம் எனக் குறிப்பிட்டுள்ளாா்.