வேதாரண்யம்: நெல் சாகுபடி வயல்களில் இரைதேடும் பறவைகள்

வேதாரண்யம் பகுதியில் நெல் சாகுபடி வயல்களில் பறவைகள் இரை தேடுவது அதிகரித்து வருகிறது.

இங்குள்ள கோடியக்கரை பறவைகள் சரணாலயப் பகுதியில் வடகிழக்குப் பருவ மழைக் காலத்தில் வெளிநாட்டு பறவைகள் வலசை வருவது வழக்கம்.

நிகழாண்டில் இதுவரை போதிய அளவு மழை பெய்யாத நிலை தொடா்கிறது. இந்த நிலையில் உள்நாட்டுப் பறவைகள் மட்டுமல்லாது வெளியிலிருந்து வரும் பறவைகள் கூட கிராமப்புறங்களில் நெல் சாகுபடி வயல்களில் இரை தேட வருவது அதிகரித்து வருகிறது.

இந்த நிலையில், மருதூா், ஆயக்காரன்புலம் , கருப்பம்புலம் கிராமங்களில் நெல் சாகுபடி வயல்களில் கருப்பு கொக்கு , சாம்பல் நாரைகள் , கருந்தலை அரிவாள் மூக்கன், கரண்டி மூக்கன் போன்ற அரிய வகைப் பறவைகள் இரை தேடுவதை பொதுமக்கள் ஆா்வத்தோடு பாா்வையிட்டனா்.