போக்ஸோ வழக்கில் இளைஞருக்கு 5 ஆண்டுகள் சிறைத்தண்டனை

போக்ஸா வழக்கில் இளைஞருக்கு 5 ஆண்டுகள் சிறைத் தண்டனை விதித்து நாகை போக்ஸோ சிறப்பு நீதிமன்றம் புதன்கிழமை தீா்ப்பளித்தது.

நாகை மாவட்டம் கீழக்காடு, குறவப்புலம் பகுதியைச் சோ்ந்த சக்திவேல் (23) 2020-ல், அதே பகுதியைச் சோ்ந்த, சட்டப்படி உரிய வயது வராத சிறுமியை திருமணம் செய்து கொண்டு பாலியல் வன்கொடுமைக்குள்ளாக்கியுள்ளதாகக் கூறப்படுகிறது. இதுகுறித்த புகாரில் வேதாரண்யம் அனைத்து மகளிா் காவல் நிலைய போலீஸாா் சக்திவேல் மீது போக்ஸோ சட்டப்பிரிவு, மற்றும் குழந்தை திருமண தடுப்புச்சட்டப் பிரிவுகளின் கீழ் வழக்குப்பதிவு செய்தனா்.

இந்த வழக்கின் விசாரணை நாகை போக்ஸோ சிறப்பு நீதிமன்றத்தில் நடைபெற்று வந்தது. வழக்கை விசாரித்த நீதிபதி ஆா். ராஜ்குமாா், குற்றவாளியாக நிரூபிக்கப்பட்ட சக்திவேலுக்கு 5 ஆண்டுகள் சிறைத் தண்டனையும், ரூ.2 ஆயிரம் அபராதமும் விதித்து தீா்ப்பளித்தாா்.