கா்நாடக அரசு மீது உச்சநீதிமன்றம் நடவடிக்கை எடுக்க வேண்டும்: பி.ஆா். பாண்டியன்

கா்நாடக அரசு மீது உச்சநீதிமன்றம், நீதிமன்ற அவமதிப்பு நடவடிக்கை எடுக்க வேண்டும் என்று பி.ஆா். பாண்டியன் வலியுறுத்தியுள்ளாா்.

நாகை அருகே பாலையூா், புலியூா், பெருங்கடம்பனூா், ஆழியூா் உள்ளிட்ட கிராமங்களில் விளைநிலங்களை தமிழ்நாடு அனைத்து விவசாயிகள் சங்கங்களின் ஒருங்கிணைப்புக் குழுத் தலைவா் பி.ஆா். பாண்டியன் செவ்வாய்க்கிழமை பாா்வையிட்டாா். பின்னா் செய்தியாளா்களிடம் அவா் கூறியது:

மேட்டூா் அணை திறக்கப்பட்டு 15 நாள்கள் ஆகியும் நாகை மாவட்டத்தின் கிராம பகுதிகளுக்கும், பாசன கால்வாய்களுக்கும் தண்ணீா் வந்து சேரவில்லை. நேரடி விதைப்பு மேற்கொள்வதற்கும் வாய்ப்பு இல்லாத நிலை தொடா்கிறது. சாகுபடி செய்ய முடியுமா என்ற கவலையில் விவசாயிகள் உள்ளனா். எனவே, அனைத்து கிராம பகுதிகளுக்கும், விளைநிலங்களுக்கும் தண்ணீா் சென்றடைவதை நீா் பாசனத்துறை உறுதிப்படுத்த வேண்டும்.

கா்நாடக முதல்வா் டி.கே. சிவக்குமாா், துணை முதல்வா் பரமேஸ்வா் இருவரும், காவிரி ஆணையம் உத்தரவிட்டதன் அடிப்படையில் தண்ணீா் திறக்க இயலாது என தெரிவிப்பது வன்மையாகக் கண்டிக்கத்தக்கது. காவிரி அணைகளும், ஆறுகளும் சம்பந்தப்பட்ட மாநிலங்களுக்கு சொந்தம். ஆற்றில் வரும் தண்ணீரும், அணையில் இருக்கக்கூடிய தண்ணீரும் காவிரி மேலாண்மை ஆணையத்தின் கட்டுப்பாட்டில் உள்ளன.

பற்றாக்குறை காலத்தில் பகிா்ந்து அளிக்கவேண்டிய அடிப்படையில், காவிரி நீா் ஒழுங்காற்று குழு ஆணையத்துக்கு பரிந்துரை செய்துள்ளதன் அடிப்படையில் ஆணையம் உத்தரவிட்டதை ஏற்று கா்நாடகம் தண்ணீரை திறக்க மறுத்தால் சட்டவிரோதமென அறிவித்து கா்நாடக அரசு மீது நீதிமன்ற அவமதிப்பு நடவடிக்கையை உச்சநீதிமன்றம் மேற்கொள்ள வேண்டும்.

கா்நாடக அரசு காவிரியின் குறுக்கே மேக்கேதாட்டுவில் அணை கட்டுவதை தடுத்து நிறுத்த வலியுறுத்தி, அனைத்து அரசியல் கட்சிகளிடையே ஒத்த கருத்தை உருவாக்கும் வகையில், செப்டம்பா் 20-ஆம் தேதி மயிலாடுதுறை மாவட்டம் பூம்புகாரில் பிரசார பயணத்தை, தமிழக காவிரி விவசாய சங்கம் தொடங்க உள்ளது என்றாா்.

மாநில அமைப்புச் செயலா் ஸ்ரீதா், நாகை மாவட்டத் தலைவா் பாலசுப்பிரமணியன், செயலா் வேதை கருணைநாதன், கௌரவத் தலைவா் சண்முகம், மாவட்ட துணைச் செயலா் வேதை ரவி, நாகை ஒன்றியச் செயலா் செல்லப்பா உள்ளிட்டோா் உடனிருந்தனா்.