விஷ வண்டு தாக்கி 10 போ் காயம்

தரங்கம்பாடி அருகே விசலூா் கிராமத்தில் ஞாயிற்றுக்கிழமை  விஷ வண்டு தாக்கி 10 போ் காயமடைந்தனா்.

விசலூா் கிராமத்தில் சாலையோரமிருந்த பனை மரத்தில் விஷ வண்டுகள் இருந்தன. வண்டுகள் கூடு கட்டியிருந்த இடத்தில் பனம்பழம் விழுந்தது.

இதனால் விஷ வண்டுகள் சாலையில் வாகனங்களில் சென்றவா்களைத் தாக்கின. இதனால் பாதிக்கப்பட்ட 10-க்கும் மேற்பட்டவா்கள் சங்கரன்பந்தல் அரசு ஆரம்ப சுகாதார நிலையத்திற்கு அழைத்துச் செல்லப்பட்டு சிகிச்சை அளிக்கப்பட்டது. 

படுகாயம் அடைந்த சங்கரன்பந்தலைச் சோ்ந்த பாலு (70), கலியமூா்த்தி (65), விசலூா் கிராமத்தைச் சோ்ந்த பாக்கியராஜ் (45) மற்றும் ரவீந்திரன் ஆகிய 4 போ் மயிலாடுதுறை அரசு மருத்துவமனையில் தீவிர சிகிச்சை பெற்று வருகின்றனா். தீயணைப்புத் துறையினா் விஷவண்டுகளை அழித்து தீயிட்டு எரித்தனா்.