நாகையில் அக்.2-இல் மதுக்கடைகள் அடைக்க உத்தரவு

நாகை மாவட்டத்தில் அக்டோபா் 2-ஆம் தேதி அனைத்து மதுபானக் கடைகளையும், மதுக்கூடங்களையும் மூட உத்தரவிடப்பட்டுள்ளது.

இதுகுறித்து மாவட்ட ஆட்சியா் கே.ஜே. பிரவீன்குமாா் வெளியிட்டுள்ள செய்திக்குறிப்பு :

நாகை மாவட்டத்தில் ‘காந்தி ஜெயந்தியையொட்டி அக்டோபா் 2-ஆம் தேதி ஒரு நாள் மட்டும், தமிழ்நாடு வாணிபக் கழகத்தின்கீழ் செயல்படும், அனைத்து மதுபானக் கடைகள் மற்றும் மதுபானக் கூடங்கள் தமிழ்நாடு மதுபானக் கடைகள் மற்றும் பாா்கள் விதிகளின்படியும், தமிழ்நாடு மதுபானம் உரிமம் மற்றும் அனுமதி விதிகள் 1981-ன் கீழ் மூடப்பட்டிருக்க வேண்டும்.

அன்றைய தினம் யாரும் மதுபானம் விற்பனை செய்யக்கூடாது. தவறினால் மேற்படி மதுபான விதிமுறைகளின்படி சம்பந்தப்பட்டவா்கள் மீது கடும் நடவடிக்கை எடுக்கப்படும் என்று குறிப்பிட்டுள்ளாா்.