ஆறுகளில் ஆய்வு

திருவாரூர் மாவட்டம், எண்கண் ஊராட்சிகுள்பட்ட வாளவாய்க்கால் தலைப்பு, மதகு மற்றும் நீடாமங்கலம் வட்டத்துக்குள்பட்ட மூணாறு தலைப்பு கோரையாறு ஆகிய பகுதிகளில் நீர்வரத்தை, மாவட்ட கணிப்பாய்வு அதிகாரியும், சமூக நலம் மற்றும் சத்துணவுத் திட்டத்துறை முதன்மைச் செயலருமான மணிவாசன் வியாழக்கிழமை ஆய்வு செய்தார்.
 மாவட்ட ஆட்சியர் இல. நிர்மல்ராஜ் முன்னிலையில் நடைபெற்ற ஆய்வின்போது, மாவட்ட கணிப்பாய்வு அதிகாரி அப்பகுதிகளில் நீர்வரத்தைப் பார்வையிட்டு, பாசனத்துக்காக ஆறுகளுக்கு நீர் பிரித்து திறந்துவிடும் அளவீடு, கரைகளின் பலம் குறித்தும் செயற்பொறியாளரிடம் கேட்டறிந்தார். தொடர்ந்து தாழ்வான பகுதிகளைக் கண்டறிந்து, தேவையான முன்னெச்சரிக்கை நடவடிக்கைகளை மேற்கொள்ளுமாறு அலுவலர்களுக்கு மாவட்ட கணிப்பாய்வு அதிகாரி அறிவுறுத்தினார்.    
ஆய்வின்போது மாவட்ட வருவாய் அலுவலர் க. சக்திமணி, வெண்ணாறு வடிநிலக் கோட்ட செயற்பொறியாளர் திருவேட்டைசெல்வம், வருவாய்க் கோட்டாட்சியர்கள் முருகதாஸ், பத்மாவதி மற்றும் அரசு அலுவலர்கள் உடனிருந்தனர்.