ஜி.கே.மூப்பனார் பிறந்த நாள் விழா

மறைந்த தமாகா தலைவரானஜி.கே.மூப்பனாரின் 87-ஆவது பிறந்த நாள் விழா, மன்னார்குடியில் ஞாயிற்றுக்கிழமை கொண்டாடப்பட்டது.
மன்னார்குடி நடேசன் தெருவில் உள்ள காமராஜர் சிலையருகே நடைபெற்ற இந்நிகழ்ச்சிக்கு, தமாகா மாவட்ட இளைஞரணித் தலைவர் ஜி.ஆர்.சங்கர் தலைமை வகித்தார். தமாகா மாவட்டத் தலைவர் குடவாசல் எஸ்.தினகரன் சிறப்பு அழைப்பாளராகப் பங்கேற்று, காமராஜர் சிலைக்கு மாலை அணிவித்து மரியாதை செலுத்தினார்.
பின்னர், கட்சி கொடியேற்றிவைத்து, 87 பயனாளிகளுக்கு இலவச வேஷ்டி,சேலைகளை வழங்கினார். நிகழ்ச்சியில், கட்சியின்  மாநில பொதுக் குழு உறுப்பினர் சிங்கு.பாண்டியன், மாநில கொள்கைப் பரப்புச் செயலாளர் வடுவூர் கரிகாலன், வட்டாரத் தலைவர்கள் மன்னார்குடி  இல.முனியப்பன், நீடாமங்கலம் (மே)  சந்திரசேகர், நீடாமங்கலம் (கி) ராஜேந்திரன், நகர்மன்ற முன்னாள் தலைவர் வி.எஸ்.ராஜேந்திரன், கட்சியின் நகரத் தலைவர்  கே.எஸ்.நடனபதி உள்ளிட்டோர் கலந்துகொண்டனர்.