கூத்தாநல்லூர் அருகே மாவட்ட ஆட்சியர் திடீர் ஆய்வு

திருவாரூர் மாவட்டம், கூத்தாநல்லூர் அருகேயுள்ள கீழமணலி கிராமத்தில் மாவட்ட ஆட்சியர் இல. நிர்மல்ராஜ் செவ்வாய்க்கிழமை இரவு ஆய்வு மேற்கொண்டார்.
மன்னார்குடி ஒன்றியம், கூத்தாநல்லூர் வட்டம், கீழமணலி கிராமம், காரநாதன் கோயில் தெருவுக்கு செவ்வாய்க்கிழமை இரவு 8 மணியளவில், மாவட்ட ஆட்சியர் இல. நிர்மல்ராஜ் வந்தார். அப்பகுதி மக்களிடம் குடிநீர், தெருவிளக்கு உள்ளிட்ட அடிப்படை வசதிகள் குறித்து கேட்டறிந்ததார். இதில், ஏதாவது குறைகள் நிலவும்பட்சத்தில், அவற்றை தீர்த்து வைப்பதாகக் கூறினார்.
மாவட்ட ஆட்சியர் திடீரென ஆய்வு மேற்கொண்டது, அப்பகுதி மக்களிடையே மகிழ்ச்சியையும், வியப்பையும்
ஏற்படுத்தியது.