திமுக தலைவராக மு.க. ஸ்டாலின் தேர்வு: கூத்தாநல்லூரில் கொண்டாட்டம்

திமுக தலைவராக மு.க. ஸ்டாலின் தேர்வு செய்யப்பட்டதற்கு வரவேற்பு தெரிவித்து, கூத்தாநல்லூர் வட்டத்தில் அக்கட்சியினர் பொதுமக்களுக்கு இனிப்புகள் வழங்கி புதன்கிழமை கொண்டாடினர்.
கூத்தாநல்லூர் அருகேயுள்ள பெரியகொத்தூர் ஊராட்சியில், திமுக மன்னார்குடி கிழக்கு ஒன்றியச் செயலாளர் ஐ.வி.குமரேசன் தலைமையில், மாவட்டப் பிரதிநிதி  டீ.செல்வம், ஊராட்சி செயலாளர் கண்ணதாசன், ஆதிதிராவிட நலக் குழு ஒன்றிய அமைப்பாளர்  ராஜேந்திரன் உள்ளிட்ட திமுகவினர் பிரதான சாலையில் பட்டாசு வெடித்தும், பொதுமக்களுக்கு இனிப்புகள் வழங்கியும் கொண்டாடினர்.